តាមដំណឹងឱ្យដឹងថា នាពេលថ្មីៗកន្លងទៅនេះ គណៈកម្មាធិការទូរគមនាគមន៍សហរដ្ឋអាមេរិក (ហៅកាត់ FCC) បានចេញសេចកី្តថ្លែងការណ៍ថា នឹងធ្វើការបោះឆ្នោតចំពោះសំណើពីរករណីទាក់ទិននឹងក្រុមហ៊ុនហួវៃនិងក្រុមហ៊ុន ZTE របស់ប្រទេសចិន សំណើទាំងពីរនេះគឺហាមក្រុមហ៊ុនផ្គត់ផ្គងសេវាទូរគមនាគមន៍អាមេរិកមិនឱ្យប្រើប្រាស់មូលនិធិរបស់ FCC ទៅបញ្ជាទិញផលិតផលរបស់ក្រុមហ៊ុនហួវៃនិងក្រុមហ៊ុន ZTE ។ សេចកី្តថ្លែងការណ៍ក៏បានអះអាងថា បរិក្ខាររបស់ក្រុមហ៊ុនហួវៃនិងក្រុមហ៊ុន ZTE មានហានិភ័យចំពោះសនិ្តសុខជាតិ ។
ទាក់ទិននឹងរឿងនេះ លោក Geng Shuang អ្នកនាំពាក្យក្រសួងការបរទេសចិនបានថ្លែងក្នុងសនិ្នសីទសារព័ត៌មានជាប្រចាំនៅថ្ងៃទី ២៩ ខែតុលាថា ប្រទេសចិនប្រឆាំងយ៉ាងដាចខាត់ចំពោះការដែលអាមេរិកប្រើប្រាស់កម្លាំងរដ្ឋខុសទំនងទៅដាក់សម្ពាធលើសហគ្រាសពិសេសរបស់ប្រទេសចិន ព្រមនិងដាស់តឿនអាមេរិកម្តងទៀតឱ្យបញ្ឈប់សកម្មភាពបែបនេះ ៕
អ្នកបកប្រែ：Guo Xiangqing