នាថ្ងៃទី៣០ ខែតុលា សន្និសីទកំពូលកិច្ចសហប្រតិបត្តិការកសិកម្មនិងសម្ភារៈកសិកម្មរវាងប្រទេសតាមបណ្តោយទន្លេឡានឆាំង-មេគង្គ ២០១៩ និងជាកិច្ចប្រជុំពិភាក្សាសេដ្ឋកិច្ចនិងពាណិជ្ជកម្មបានប្រារព្ធនៅទីក្រុងគុនមីញ។ អ្នកតំណាងចំនួន៩រូបដែលមកពីប្រទេសកម្ពុជា ឡាវ មីយ៉ាន់ម៉ា ឥណ្ឌាជាដើម បានធ្វើការទំនាក់ទំនងខាងនយោបាយការពិភាក្សាកិច្ចការពាណិជ្ជកម្ម និងការផ្សារភ្ជាប់អាជីវកម្មជាដើមជាមួយគ្នា ដើម្បីជីកកកាយសក្តានុពលក្នុងកិច្ចសហប្រតិបត្តិការរវាងប្រទេសតាមបណ្តោយទន្លេឡានឆាំង—មេគង្គ ដែលជំរុញកិច្ចសហប្រតិបត្តិការខាងកសិកម្មនិងសម្ភារៈកសិកម្ម។
សន្និសីទកំពូលរៀបចំក្រោមប្រធានបទ “ការតភ្ជាប់គ្នា ការចែករំលែកកិច្ចសហប្រតិបត្តិការរួម”។ អ្នកជំនាញបានថ្លែងសន្ទរកថាដែលយក ស្ថានការណ៍អភិវឌ្ឍពាណិជ្ជកម្មកសិផលចិន-អាស៊ានជាចំណងជើងជាដើម មន្ត្រីរដ្ឋាភិបាលនិងអ្នកតំណាងសហគ្រាសដែលមកពីប្រទេសកម្ពុជា ឡាវ មីយ៉ាន់ម៉ាជាដើមបានណែនាំអំពីស្ថានការណ៍អភិវឌ្ឍសេដ្ឋកិច្ចនិងពាណិជ្ជកម្មបរិយាកាសវិនិយោគ កាលានុវត្តភាពនៃការអភិវឌ្ឍជាដើមទៅលើវិស័យកសិកម្មនិងសម្ភារៈកសិកម្មនៃប្រទេសខ្លួន អ្នកតំណាងនៃសហគ្រាសឆ្នើមចិនបានណែនាំឧត្តមានុភាពនៃសហគ្រាស បទពិសោធន៍រុករកការអភិវឌ្ឍអន្តរនីយកម្មតម្រូវការកិច្ចសហប្រតិបត្តិការជាដើម។ សន្និសីទនេះនឹងរៀបចំការសន្ទនានិងចែករំលែក៣ក្រុម ដោយយក“ការចែករំលែករួមនូវកាលានុវត្តភាពនៃការអភិវឌ្ឍក្នុងកិច្ចសហប្រតិបត្តិការឡានឆាំង-មេគង្គនិងកិច្ចសហប្រតិបត្តិការខ្សែក្រវ៉ាត់និងផ្លូវ បង្កើនទំនាក់ទំនងសេដ្ឋកិច្ចនិងពាណិជ្ជកម្មលើវិស័យកសិកម្មនិងសម្ភារៈកសិកម្ម”។ ក្រៅពីនេះ នឹងរៀបចំកិច្ចប្រជុំចែករំលែកស្តីពីការផ្សារភ្ជាប់តម្រូវការសហគ្រាសកសិកម្មនិងសម្ភារៈកសិកម្មរវាងចិននិងបរទេស៕
អ្នកសារព័ត៌មាន៖ Li Chenghan
អ្នកបកប្រែ៖ លីហ្សា