លោកស៊ីជីនភីងគូសបញ្ជាក់ថា ត្រូវរៀនសូត្រនិងអនុវត្តយ៉ាងស៊ីជម្រៅនូវស្មារតីនៃសន្និសីទពេញអង្គលើកទី៤នៃគណៈកម្មាធិការមជ្ឈិមបក្សកុម្មុយនិស្តចិនអាណត្តិទី១៩
ពេលកន្លងទៅនេះ លោកស៊ីជីនភីង អគ្គលេខាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធាននៃគណៈកម្មាធិការយោធាមជ្ឈិមចិនបានគូសបញ្ជាក់ក្នុងពេលពិនិត្យការងារនៅទីក្រុងសៀងហៃថា ត្រូវតែរៀនសូត្រនិងអនុវត្តយ៉ាងស៊ីជម្រៅនូវស្មារតីនៃសន្និសីទពេញអង្គលើកទី៤នៃគណៈកម្មាធិការមជ្ឈិមបក្សកុម្មុយនិស្តចិនអាណត្តិទី១៩ ប្រកាន់ខ្ជាប់នូវសង្វាក់មូលដ្ឋានការងារស្ថិរភាពនៃវឌ្ឍនភាព អនុវត្តទាំងស្រុងនូវគំនិតអភិវឌ្ឍន៍ថ្មី បង្កើនបោះជំហានកំណែទម្រង់និងការបើកទូលាយ និងពន្លឿនការកសាងប្រព័ន្ធសេដ្ឋកិច្ចទំនើបភាវូបនីយកម្មនិងលើកកម្ពស់កម្លាំងប្រកួតប្រជែងជាស្នូលនៃទីក្រុង និងសមត្ថភាពនិងកម្រិតគ្រប់គ្រងទីក្រុងធំៗអន្តរជាតូបនីយកម្មនៃសង្គមនិយមឥតឈប់ឈរ។
លោកស៊ីជីនភីងបានចង្អុលបង្ហាញថា តំបន់សាកល្បងពាណិជ្ជកម្មសេរីសៀងហៃត្រូវបើកទូលាយដោយគ្រប់ជ្រុងជ្រោយនិងកម្រិតខ្ពស់ ដើម្បីឱ្យក្លាយទៅជាមូលដ្ឋានសំខាន់ដែលប្រមូលផ្តុំធនធានមនុស្សដ៏ឆ្នើមៗជាតិនិងអន្តរជាតិនិងធ្វើកិច្ចសហប្រតិបត្តិការក្នុងការច្នៃប្រឌិតថ្មីអន្តរជាតិ។
លោកស៊ីជីនភីងបានគូសបញ្ជាក់ថា ត្រូវជំរុញការអភិវឌ្ឍសេដ្ឋកិច្ចប្រកបដោយគុណភាពខ្ពស់ ការរួមគ្នាកសាងខ្សែក្រវាត់និងផ្លូវ បង្កើនល្បឿនលើកកម្ពស់កម្រិតអន្តរជាតូបនីយកម្មនៃទីផ្សារហិរញ្ញវត្ថុទីក្រុងសៀងហៃ។ពង្រឹងសមត្ថភាពនៃការច្នៃប្រឌិតថ្មីដោយបច្ចេកវិទ្យានិងសមត្ថភាពនាំមុខគេនៃឧស្សាហកម្មលំដាប់កំពូល។
អ្នកបកប្រែ：Ma Xiaoqing