ថ្ងៃទី២៥ខែវិច្ឆិកា លោកស៊ីជីនភីងប្រធានរដ្ឋចិននិងលោកអាបេស៊ីនហ្សូ នាយករដ្ឋមន្រ្តីជប៉ុនបានផ្ញើសារដោយឡែកពីគ្នាដើម្បីចូលរួមអបអរសាទរការបើកធ្វើសន្និសីទលើកទី១នៃយន្តការផ្លាស់ប្តូរវប្បធម៌មនុស្សជាតិជាន់ខ្ពស់រវាងចិននិងជប៉ុននៅក្រុងតូក្យូប្រទេសជប៉ុន។
ថ្លែងក្នុងសារលិខិត លោកស៊ីជីនភីងបានលើកឡើងថា ទំនាក់ទំនងរវាងចិននិងជប៉ុនត្រូវបានកែលម្អជាបន្តបន្ទាប់ រំពឹងថា ភាគីទាំងពីរចិននិងជប៉ុនអាចរួមគ្នាប្រើប្រាស់យន្តការមួយនេះឱ្យបានល្អ ដើម្បីជំរុញការផ្លាស់ប្តូរវប្បធម៌មនុស្សជាតិ ជំរុញការតភ្ជាប់គ្នានៃដួងចិត្តប្រជាជន ក្នុងន័យផ្តល់ការទ្រទ្រង់ខាងវប្បធម៌មនុស្សជាតិសម្រាប់ការបង្កើតនិងអភិវឌ្ឍទំនាក់ទំនងរវាងចិននិងជប៉ុនដែលសមស្របនឹងតម្រូវការនៃយុគសម័យថ្មី ។
ថ្លែងក្នុងសារលិខិត លោកអាបេស៊ីនហ្សូបានលើកឡើងថា យន្តការផ្លាស់ប្តូរនិងពិគ្រោះពិភាក្សាខាងវប្បធម៌មនុស្សជាតិជាន់ខ្ពស់រវាងជប៉ុននិងចិនគឺជាគំនិតឯកភាពរួមរបស់ខ្ញុំនិងលោកប្រធានរដ្ឋចិនស៊ីជីនភីងដែលបានឈានដល់ក្នុងកិច្ចជំនួបនៅក្រុងអូសាកា ។ រំពឹងថា យន្តការមួយនេះអាចបង្កើតជាមូលដ្ឋាននៃក្តីបំណងរបស់ប្រជាជនយ៉ាងរឹងមាំសម្រាប់ការកសាងទំនាក់ទំនងរវាងជប៉ុននិងចិនដែលសមស្របនឹងតម្រូវការនៃយុគសម័យថ្មី ក៏ដូចជារួមចំណែកដល់ការត្រួសត្រាយអនាគតថ្មីនៃទំនាក់ទំនងរវាងជប៉ុននិងចិនផងដែរ ៕
អ្នកបកប្រែ：Zheng Lei