ចិននិងថៃចុះហត្ថលេខាលើកិច្ចព្រមព្រៀងអំពីកិច្ចសហប្រតិបតិ្តការផ្នែកសុខាភិបាលនិងសុខភាពនៃមូលនិធិពិសេសនៃកិច្ចសហប្រតិបតិ្តការឡានឆាង-មេគង្គ
ថ្មីៗកន្លងទៅនេះ លោក Lv Jian ឯកអគ្គរដ្ឋទូតចិនប្រចាំនៅប្រទេសថៃ និងលោក Soranit អនុរដ្ឋមន្ត្រីក្រសួងអប់រំថ្នាក់ឧត្តមសិក្សា សិក្សាស្រាវជ្រាវនិងនវានុវត្តន៍បច្ចេកវិទ្យានៃប្រទេសថៃបានរួមគ្នាចុះហត្ថលេខាលើកិច្ចព្រមព្រៀងអំពីកិច្ចសហប្រតិបតិ្តការផ្នែកសុខាភិបាលនិងសុខភាពនៃមូលនិធិពិសេសនៃកិច្ចសហប្រតិបតិ្តការឡានឆាង-មេគង្គ នៅក្រុងបាងកក រាជធានីប្រទេសថៃ ។
ថ្លែងក្នុងពិធីចុះហត្ថលេខា លោក Lv Jian បានលើកឡើងថា បច្ចុប្បន្ននេះ នៅតំបន់ទន្លេឡានឆាងនិងមេគង្គ ការងារបង្ការនិងគ្រប់គ្រងជំងឺគ្រុនចាញ់ គ្រុនឈាមនិងមេរោគបង្កជំងឺថ្លើមជាដើមនៅតែជាភារកិច្ចដ៏ធ្ងន់ធ្ងរ ប្រទេសចិនរីករាយរួមសហការជាមួយប្រទេសតាមបណ្តោយទន្លេមេគង្គ ក្នុងនោះបូករួមទាំងប្រទេសថៃផង អនុវត្តឱ្យបានកាន់តែស៊ីជម្រៅនូវគម្រោងរួមគ្នាបង្ការនិងគ្រប់គ្រងជំងឺឆ្លងឆ្លងប្រទេស ។
ជាការឆ្លើយតប លោក Soranit បានថ្លែងអំណរគុណចំពោះប្រទេសចិនដែលបានផ្តល់ការគាំទ្រដល់ប្រទេសថៃក្នុងក្របខណ្ឌកិច្ចសហប្រតិបតិ្តការឡានឆាង-មេគង្គ ហើយជឿជាក់ថា គម្រោងដែលទើបចុះហត្ថលេខានេះនឹងផ្តល់ផលប្រយោជន៍ដល់ប្រជាជនទាំងឡាយក្នុងតំបន់ ក៏ដូចជាបង្កបង្កើតជាបណ្តាញសុខាភិបាលប្រកបដោយនិរន្តរភាពក្នុងតំបន់ផងដែរ ៕
អ្នកបកប្រែ：Guo Xiangqing