សាមគ្គីភាពនិងស្ថិរភាពជាមូលដ្ឋានគ្រឹះសម្រាប់ជំរុញវិបុលភាពនិងវឌ្ឍនភាពរបស់តំបន់ស៊ីនជាំង
នាពេលថ្មីៗកន្លងទៅនេះ បណ្តាញទូរទស្សន៍សកលចិន ហៅកាត់ CGTN របស់អគ្គស្ថានីយវិទ្យុនិងទូរទស្សន៍មជ្ឈិមចិនបានចាក់ផ្សាយភាពយន្តឯកសារជាភាសាអង់គ្លេសចំនួនពីររឿងដែលពាក់ព័ន្ធនឹងតំបន់ស៊ីន ជាំង នាំឱ្យមជ្ឈដ្ឋានប្រទេសលោកខាងលិចមានការភ្ញាក់ផ្អើលយ៉ាងខ្លាំង ។ ភាពយន្តឯកសារទាំងពីររឿងនេះបានលាតត្រដាងដោយសត្យានុម័តនូវព្រឹតិ្តការណ៍ដ៏រន្ធត់ជាច្រើនដែលបង្កឡើងដោយពួកភេរវជន ដែលបង្ហាញឱ្យឃើញនូវហេតុផលយ៉ាងជ្រាលជ្រៅមួយ ពោលគឺផលប្រយោជន៍ជាតិធំបំផុតគឺប្រទេសជាតិមានអភិបាលកិច្ចល្អ ផលប៉ះពាល់ធំបំផុតគឺការកើតមានភាពចលាចល បទពិសោធនិងមេរៀនទាំងល្អនិងមិនល្អបានបញ្ជាក់យ៉ាងពេញលេញថា មានតែសាមគ្គីភាពនិងស្ថិរភាពទើបអាចនាំមកនូវផលវិជ្ជាមាននិងសុភមង្គលដល់តំបន់ ស៊ីនជាំង ។
ប៉ុន្មានឆ្នាំចុងក្រោយនេះ ប្រជាជនគ្រប់ជនជាតិនៃតំបន់ ស៊ីនជាំង មានជីវភាពរស់នៅនិងប្រកបរបរចិញ្ចឹមជីវិតយ៉ាងសុខសាន្ត ពោលគឺតំបន់ ស៊ីនជាំងកំពុងឋិតនៅក្នុងដំណាក់កាលទទួលបានវិបុលភាពនិងវឌ្ឍនភាពល្អបំផុតក្នុងប្រវតិ្តសាស្ត្រ ។ ប៉ុន្តែប្រឈមមុខនឹងការពិតជាក់ស្តែងបែបនេះ ប្រព័ន្ធសារព័ត៌មាននិងអ្នកនយោបាយប៉ែកខាងលិចមួយចំនួនបែរជាធ្វើខ្វាក់ធ្វើថ្លង់ទៅវិញ ជាងនេះទៅទៀត សភាជាន់ទាបអាមេរិកបានអនុម័ត “សេចកី្តព្រាងច្បាប់ស្តីពីគោលនយោបាយសិទ្ធិមនុស្សជនជាតិវៃវូអឺឆ្នាំ២០១៩ ក្នុងន័យបំភ្លៃពិត មួលបង្កាច់និងលាបព័ណ៌លើសកម្មភាពដ៏ត្រឹមត្រូវរបស់ប្រទេសចិនក្នុងការប្រឆាំងភេរវកម្មនិងលុបបំបាត់សកម្មភាពជ្រុលនិយម គោលបំណងពិតរបស់ពួកគេ គឺញុះញង់បំបែកបំបាក់ទំនាក់ទំនងរវាងជនជាតិនៃប្រទេសចិន សំដៅឈានដល់ការបំផ្លិចបំផ្លាញវិបុលភាពនិងស្ថិរភាពនៃតំបន់ ស៊ីជាំង ក៏ដូចជារារាំងការស្តារភាពរុងរឿងថ្កុំថ្កើងឡើងវិញរបស់ប្រទេសចិនដោយយកបញ្ហាស៊ីនជាំងធ្វើជាលេស ៕
អ្នកបកប្រែ：Guo Xiangqing