ថ្ងៃទី១៨ខែធ្នូ លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានអញ្ជើញទៅដល់តំបន់ម៉ាកាវ ដើម្បីចូលរួមសកម្មភាពអបអរសាទរខួបគម្រប់២០ឆ្នាំនៃការដែលតំបន់ម៉ាកាវវិលត្រឡប់មកមាតុប្រទេសវិញ ។ លោកបានថ្លែងនៅព្រលានយន្តហោះថា សមិទ្ធផលដែលទទួលបានក្នុងរយៈពេល២០ឆ្នាំនៃការវិលត្រឡប់មាតុប្រទេសវិញរបស់តំបន់ម៉ាកាវ គួរឱ្យប្រជាជនចិននិងរដ្ឋាភិបាលមជ្ឈិមចិនមានមោទនភាព ។ បទពិសោធន៍និងលក្ខណៈពិសេសដែលតំបន់រដ្ឋបាលពិសេសម៉ាកាវអនុវត្តនូវគោលការណ៍“ប្រទេសមួយប្រព័ន្ធគ្រប់គ្រងពីរ”គឺគួរជាទីកោតសរសើរ ។
លោកស៊ីជីនភីងបានថ្លែងថា តាងនាមរដ្ឋាភិបាលមជ្ឈិមចិននិងប្រជាជនគ្រប់ជនជាតិរបស់មាតុប្រទេស សូមសម្តែងការអបអរសាទរយ៉ាងក្លៀវក្លានិងជូនពរដ៏ល្អបវរចំពោះបងប្អូនរួមជាតិនៃតំបន់ម៉ាកាវ ។
អ្នកបកប្រែ：Sun Lingling