លោក ស៊ីជីនភីង ប្រធានរដ្ឋចិនជួបពិភាក្សាការងារជាមួយលោក Chui Sai Onប្រធានរដ្ឋបាលនៃតំបន់រដ្ឋបាលពិសេសម៉ាកាវ
កាលពីរសៀលថ្ងៃទី ១៨ ខែធ្នូ លោក ស៊ីជីនភីង ប្រធានរដ្ឋចិនបានជួបពិភាក្សាការងារជាមួយលោក Chui Sai On ប្រធានរដ្ឋបាលនៃតំបន់រដ្ឋបាលពិសេសម៉ាកាវនៅតំបន់ម៉ាកាវ។
ថែ្លងក្នុងកិច្ចជំនួប លោក ស៊ីជីនភីង បានលើកឡើងថា រដ្ឋបាលនៃតំបន់រដ្ឋបាលពិសេសម៉ាកាវបានអនុវត្តយ៉ាងពេញលេញនិងត្រឹមត្រូវនូវគោលការណ៍"ប្រទេសមួយ ប្រព័ន្ធគ្រប់គ្រងពីរ"ក្រោមការដឹកនាំរបស់លោក ហើយធ្វើការយ៉ាងម៉ឺងម៉ាត់ស្របតាមរដ្ឋធម្មនុញ្ញនិងច្បាប់មូលដ្ឋានក្នុងការធានារក្សានូវសន្តិសុខជាតិ រក្សាស្ថិរភាពសង្គម ក៏ដូចជាជំរុញការអភិវឌ្ឍផែ្នកសេដ្ឋកិច្ចនិងលើកកម្ពស់នូវជីវភាពរស់នៅរបស់ប្រជាជនព្រមទាំងពង្រឹងនិងពង្រីកការផ្លាស់ប្តូរនិងកិច្ចសហប្រតិបត្តិការជាមួយតំបន់ដីគោកជាដើម។លោកបានបន្តថា សមិទ្ធផលថ្មីៗជាច្រើនដែលទទួលបានសម្រាប់ពង្រឹងនិងអភិវឌ្ឍស្ថានភាពដ៏ល្អប្រសើររបស់ម៉ាកាវប្រកបដោយវិបុលភាពនិងស្ថិរភាព។
លោក ស៊ីជីនភីង រំពឹងថា លោកនឹងយកចិត្តទុកដាក់ជានិច្ចលើការអភិវឌ្ឍប្រទេសនិងម៉ាកាវ គាំទ្រយ៉ាងសកម្មដល់ប្រធានរដ្ឋបាល អាណត្តិថ្មីនិងរដ្ឋបាលនៃតំបន់រដ្ឋបាលពិសេសម៉ាកាវ អាណត្តិថ្មីក្នុងការធ្វើអភិបាលកិច្ចស្របតាមច្បាប់ ហើយបន្តចូលរួមចំណែកដល់ការអនុវត្តជាក់ស្តែងនូវគោលការណ៍"ប្រទេសមួយ ប្រព័ន្ធគ្រប់គ្រងពីរ"។
ជាការឆ្លើយតប លោក Chui Sai On បានថែ្លងថា ដោយសារការគាំទ្រយ៉ាងខ្លាំងពីរដ្ឋាភិបាលមជ្ឈិម រដ្ឋបាលនៃតំបន់រដ្ឋបាលពិសេសម៉ាកាវនិងឥស្សរជនមកពីគ្រប់មជ្ឈដ្ឋានបានទាញយកប្រយោជន៍ក្នុងការរួមគ្នាកសាងគំនិតផ្តួចផ្តើម"ខ្សែក្រវាត់និងផ្លូវ"និងការកសាងមហាតំបន់ឈូងសមុទ្រក្វាងតុង ហុងកុងនិងម៉ាកាវក្នុងប៉ុន្មានឆ្នាំចុងក្រោយនេះ ក្នុងន័យជំរុញវិបុលភាពនិងស្ថិរភាពនៃម៉ាកាវនិងការធ្វើពិពិធកម្មសេដ្ឋកិច្ចក្នុងកម្រិតមធ្យម។លោកនឹងបន្តគាំទ្រដល់រដ្ឋបាលនៃតំបន់រដ្ឋបាលពិសេស អាណត្តិថ្មីឱ្យអស់ពីសមត្ថភាពរបស់ខ្លួនក្នុងការធ្វើអភិបាលកិច្ចស្របតាមច្បាប់ដើម្បីចូលរួមវិភាគទានដល់ម៉ាកាវនិងប្រទេសជាតិ៕
អ្នកបកប្រែ：Wei Wei