ល្ខោនទាន(ជាល្ខោនមួយប្រភេទរបស់ខេត្តយូណាន)មានប្រវត្តិជាង២០០ឆ្នាំ ដែលបានបញ្ចូលក្នុងបញ្ជីឈ្មោះបេតិកភ័ណ្ឌវប្បធម៌អរូបីថ្នាក់ជាតិនៅឆ្នាំ២០០៨។ ការសម្តែងល្ខោនទានប្រកបដោយលក្ខណៈប្រពៃណីនៃល្ខោនប្រទេសចិន និងលក្ខណៈនៃខេត្តយូណាន។ កញ្ញា Du Sulinna មានអាយុ១៦ឆ្នាំ បានរៀនល្ខោនទាន៧ឆ្នាំហើយ ក្រុមគ្រួសារកញ្ញាមាននិស្ស័យយ៉ាងជ្រាលជ្រៅជាមួយនឹងល្ខោនទាន ដោយសារលោកតាកញ្ញាជាអ្នកស្រឡាញ់ការសម្តែងល្ខោនទាន ហើយឪពុកកញ្ញាជាអ្នកសម្តែងល្ខោនទានដ៏ជំនាញមួយរូប ។
កញ្ញា Du Sulinnaជាសិស្សម្នាក់ក្នុងសិស្សក្រុមដំបូងនៃវគ្គៈបន្តវេនបេតិកភ័ណ្ឌវប្បធម៌អរូបីល្ខោនទានដែលបើករួមគ្នាដោយមហោស្រពល្ខោនទានខេត្តយូណាននិងមហាវិទ្យាល័យវិជ្ជាជីវៈវប្បធម៌និងសិល្បៈយូណាន កញ្ញាបានសម្រេចការរៀនសូត្រ ៤ឆ្នាំកន្លះហើយនៅមហាវិទ្យាល័យវិជ្ជាជីវៈវប្បធម៌និងសិល្បៈយូណាន ឥឡូវនេះបន្តទទួលការហ្វឹកហាត់នៅមហោស្រពល្ខោនទានខេត្តយូណាន។ កញ្ញាមានអារម្មណ៍ថាល្ខោនទានហាក់ដូចជាឃ្លាំងកំណប់អត្ថន័យនីមួយៗដូចជា សំលៀកបំពាក់ ការតែងខ្លួន វិធីសាស្ត្រច្រៀងសុទ្ធតែពោរពេញដោយកម្លាំងទាក់ទាញនៃវប្បធម៌ប្រពៃណី ដែលគួរឱ្យសិក្សាស្រាវជ្រាវដោយយកចិត្តទុកដាក់។ កញ្ញាសង្ឃឹមថា នឹងអាចផ្សព្វផ្សាយល្ខោនទានចេញទៅក្រៅជាមួយគ្រូបង្រៀននិងមិត្តរួមថ្នាក់៕
អ្នកសារព័ត៌មាន៖ Chen Xinbo
អ្នកបកប្រែ៖ លីហ្សា