ពេលថ្មីៗនេះ ក្នុងសួនសាធារណៈវិហារថានហួរទីក្រុងគុនមីញមានផ្កាPeonyបានរីកដ៏ស្គុះស្គាយ មានភ្ញៀវទេសចរជាច្រើនមកទីនេះគយគន់និងថតផ្កា ពិតជាអ៊ូអរណាស់។ សូមបញ្ជាក់ថាសួនសាធារណៈវិហារថានហួជាសួនសាធារណៈដែលមិនគិតថ្លៃ ព្រមទាំងអាចក្លាយទៅជាកន្លែងដ៏ល្អប្រសើរសម្រាប់ឱ្យមនុស្សមកលេង។
រយៈពេលតាំងពិព័រណ៍ផ្កាPeony នៃវិហារថានហួរលើកទី៩ក្រោមប្រធានបទ“ផ្កាល្បីឈ្មោះធ្វើឱ្យមនុស្សឈ្លក់វង្វេង·វិហារថានហួរអប់ក្លិនក្រអូប”មានចំនួន៥៥ថ្ងៃ ក្នុងសួនសាធារណៈមានផ្កាPeonyចំនួនជិតមួយម៉ឺនដើមដែលមានពណ៌ធំៗចំនួន៩បានរីកជាបន្តបន្ទាប់ ហើយមានពណ៌និងរូបរាងខុសគ្នា ក្នុងអំឡុងពេលបុណ្យចូលឆ្នាំថ្មីប្រពៃណីចិនជារយៈពេលល្អបំផុតសម្រាប់គយគន់ផ្កា Peonyឯផ្កា Peonyក៏ក្លាយទៅជានាមប័ណ្ណមួយសន្លឹកដ៏ស្អាតបំផុត៕
អ្នកសារព័ត៌មាន៖ Zhang Tong
អ្នកបកប្រែ៖ លីហ្សា
