ថ្មីៗនេះ អ្នកសារព័ត៌មានបានមើលឃើញថា នៅកូនឃុំផ្លូវសេះដឹកតែបុរាណណាខឺលី ស្រុកនីងអឺទីក្រុងភូអឺ ដែលនៅភាគខាងត្បូងខេត្តយូណាន សេវាកម្មក្នុងតំបន់ទេចរណ៍ដូចជា ហាងលក់អាហារសម្រន់ ហាងលក់វត្ថុសិប្បកម្ម ភោជនីយដ្ឋានជាដើមបានបើកទ្វារនិងត្រៀមទំនិញរួចរាល់។ អារហារសម្រន់យ៉ាងឈ្ងុយឆ្ងាញ់ វត្ថុសិប្បកម្មយ៉ាងប្រណិតបានដាក់ពេញលើធ្នើ សម្ភារៈគ្រប់មុខដូចជាបន្លែស្រស់ សាច់ងៀត តៅហ៊ូក្នុងភោជនីយដ្ឋានយ៉ាងគ្រប់គ្រាន់។ បុគ្គលិកគ្រប់គ្រងកូនឃុំបានប្រាប់អ្នកសារព័ត៌មានថា ថ្មីៗនេះតំបន់ទេសចរណ៍បានឆ្លងកាត់ការវាយតម្លៃហានិភ័យចេញពីជំងឺវីរុសCOVID-19 នៃស្ថាប័នវប្បធម៌និងទេសចរណ៍ តំបន់ទេសចរណ៍បានបើកដំណើរការឡើងវិញជាបន្តបន្ទាប់។ តំបន់ទេសចរណ៍ នីងអឺ·កូនឃុំផ្លូវសេះដឹកតែបុរាណណាខឺលីបានបិទជាងមួយខែនៅកាលមុនដោយសារតែទទួលឥទ្ធិពលពីជំងឺវីរុស COVID-19ឥឡូវនេះបានកើតភាពអ៊ូអរនិងកម្លាំងរស់រវើកឡើងវិញ៕
អ្នកបកប្រែ៖ លីហ្សា
