លោកស៊ីជីនភីងជួបសន្ទនាជាមួយលោកស្រីAung San Suu Kyi
ព្រឹកថ្ងៃទី ១៨ ខែមករាតាមម៉ោងតំបន់ លោកស៊ីជីនភីង ប្រធានរដ្ឋចិនបានជួបសន្ទនាជាផ្លូវការជាមួយលោកស្រីAung San Suu Kyi ទីប្រឹក្សាកិច្ចការរដ្ឋមីយ៉ាន់ម៉ានៅក្រុងណៃពីដោ ។
លោកស៊ីជីនភីងថ្លែងថា លើកនេះយើងបានសម្រេចចិត្តថារួមគ្នាកសាងសហគមន៍រួមវាសនារវាងចិននិងមីយ៉ាន់ម៉ា វានឹងត្រួសត្រាយយុគសម័យថ្មីនៃទំនាក់ទំនងទ្វេភាគី ។ យើងត្រូវតែអនុវត្តឱ្យបានល្អ ចាត់ចែងជាប្រព័ន្ធចំពោះការផ្លាស់ប្តូរនិងកិច្ចសហប្រតិបត្តិការលើគ្រប់វិស័យក្នុងដំណាក់កាលក្រោយរវាងប្រទេសទាំងពីរ ដើម្បីជំរុញទំនាក់ទំនងចិននិងមីយ៉ាន់ម៉ាបោះទៅកាន់កម្រិតថ្មីមួយ ។ ទី ១ គឺពន្លឿនការតភ្ជាប់គ្នា កសាងរបៀងសេដ្ឋកិច្ចឱ្យបានល្អ ។ ទី ២ គឺបង្កើនទំនាក់ទំនងនិងការតភ្ជាប់គ្នា ។ ទី ៣ គឺពង្រីកវិនិយោគពាណិជ្ជកម្ម ទី ៤ គឺធ្វើឱ្យការផ្លាស់ប្តូរវប្បធម៌មនុស្សសាស្រ្តកាន់តែស៊ីជម្រៅ ។
លោកស្រីAung San Suu Kyi បានថ្លែងថា ដំណើរទស្សនកិច្ចលើកនេះរបស់លោកស៊ីជីនភីងមានសារសំខាន់ណាស់ ។ ភាគីមីយ៉ាន់ម៉ារីករាយពួតដៃគ្នាជាមួយភាគីចិន រួមគ្នាកសាងសហគមន៍រួមវាសនារវាងមីយ៉ាន់ម៉ានិងចិន ដើម្បីផ្តល់ផលប្រយោជន៍ដល់ប្រជាជននៃប្រទេសទាំងពីរឱ្យបានកាន់តែល្អប្រសើរ ៕
អ្នកបកប្រែ：Xu Xiaoxia