លោក ស៊ីជីនភីង ប្រធានរដ្ឋចិនបានបញ្ចប់ដំណើរទស្សនកិច្ចផ្លូវរដ្ឋនៅប្រទេសមីយ៉ាន់ម៉ាកាលពីថ្ងៃទី ១៨ ខែមករា។ភាគីទាំងពីរបានឯកភាពគ្នាកសាងសហគមន៍រួមវាសនារវាងចិននិងមីយ៉ាន់ម៉ា ហើយបានចេញសេចក្តីថ្លែងការណ៍រួមដើម្បីចាប់ផ្តើមបើកយុគសម័យថ្មីនៃកិច្ចសហប្រតិបត្តិការនិងមិត្តភាពរវាងចិននិងមីយ៉ាន់ម៉ា។
សូមបញ្ជាក់ថា លទ្ធផលសំខាន់ៗនៃដំណើរទស្សនកិច្ចនេះ គឺ សេចក្តីថ្លែងការណ៍រួមស្តីពីការរៀបចំផែនការលម្អិតសម្រាប់ការអភិវឌ្ឍទំនាក់ទំនងរវាងចិននិងមីយ៉ាន់ម៉ាក្នុងពេលអនាគតត្រូវបានដាក់ចេញ។
ទីមួយ ប្រទេសចិននិងមីយ៉ាន់ម៉ាបានឯកភាពគ្នាយកខួបគម្រប់ ៧០ ឆ្នាំនៃការបង្កើតទំនាក់ទំនងការទូតជាឱកាសមួយដើម្បីធ្វើឱ្យស៊ីជម្រៅនូវទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរនិងកសាងសហគមន៍រួមវាសនាសម្រាប់ប្រទេសចិននិងមីយ៉ាន់ម៉ាក្នុងន័យ ជំរុញទំនាក់ទំនងរវាងចិននិងមីយ៉ាន់ម៉ាឱ្យឈានចូលក្នុងយុគសម័យថ្មីមួយ។
ទីពីរ ការលើកកម្ពស់ការធ្វើឱ្យប្រសើរឡើងនូវគំនិតផ្តួចផ្តើម"ខ្សែក្រវ៉ាត់និងផ្លូវ" គឺជាចំណុចសំខាន់នៃកិច្ចសហប្រតិបត្តិការជាក់ស្តែងរវាងចិននិងមីយ៉ាន់ម៉ា។
លើសពីនេះទៀត ប្រទេសទាំងពីរនឹងបន្តធ្វើកិច្ចសហប្រតិបត្តិការជាក់ស្តែងលើវិស័យ សេដ្ឋកិច្ចនិងពាណិជ្ជកម្ម កសិកម្មនិងរុក្ខជាតិ ផលិតភាព វិនិយោគនិងហិរញ្ញវត្ថុជាដើម។
ដំណើរទស្សនកិច្ចផ្លូវរដ្ឋរបស់លោក ស៊ីជីនភីង ប្រធានរដ្ឋចិនទៅកាន់ប្រទេសមីយ៉ាន់ម៉ា គឺជាព្រឹត្តិការណ៍ថ្មីមួយនៅក្នុងប្រវត្តិសាស្រ្តនៃទំនាក់ទំនងរវាងប្រទេសទាំងពីរ។វាប្រាកដជានឹងទទួលបានផ្លែផ្កាកាន់តែច្រើននិងផ្តល់នូវផលប្រយោជន៍ដល់ប្រជាជននៃប្រទេសទាំងពីរព្រមទាំងលើកកម្ពស់វិបុលភាពនិងការអភិវឌ្ឍក្នុងតំបន់និងពិភពលោក៕
អ្នកបកប្រែ：Wei Wei