នៅខែមករាឆ្នាំនេះ រដ្ឋាភិបាលនៃប្រទេសទាំងពីរចិននិងកម្ពុជាបានឯកភាពគ្នាលើការកំណត់ឆ្នាំ២០១៩ នេះជា“ឆ្នាំវប្បធម៌-ទេសចរណ៍ចិន-កម្ពុជា”ដើម្បីជំរុញឱ្យទេសចរនៃប្រទេសទាំងពីរធ្វើដំណើរទៅមកឱ្យបានច្រើន ពង្រឹងកិច្ចសហប្រតិបត្តិការទ្វេភាគី ជំវុញឱ្យកិច្ចសហប្រតិបត្តិការវប្បធម៌និងទេសចរណ៍ដើរតួនាទីកាន់តែសំខាន់និងរួមចំណែកក្នុងការកសាងសហគមន៍រួមវាសនាចិន-កម្ពុជា តាមរយៈការរៀបចំកម្មវិធីផ្លាស់ប្តូរគ្នា និងសកម្មភាពសហប្រតិបត្តិការដូចជាកិច្ចសហប្រតិបត្តិការដូចជាកិច្ចប្រជុំផ្សព្វផ្សាយពីវិស័យទេសចរណ៍ កម្មវិធីសម្តែងសលិ្បៈ វេទិកា សិក្ខាសាលា វគ្គបណ្តុះបណ្តាល និងការតាំងពិព័រណ៍ជាដើម។
ពិធីអបអរសាទរ“ឆ្នាំវប្បធម៌-ទេសចរណ៍ចិន-កម្ពុជា”បានត្រូវរៀបចំឡើងនៅរាជធានីភ្នំពេញ។កម្មវិធីសម្តែងសិល្បៈប្រជាប្រិយចិនបានត្រូវសម្តែងនៅប្រទេសកម្ពុជា។ វេទិកាជាន់ខ្ពស់អន្តរជាតិស្តីពីកិច្ចសហប្រតិបត្តិការវប្បធម៌មិត្តភាពចិន-កម្ពុជារៀបចំនៅខេត្តសាន់ស៊ី។
សួនពិព័រណ៍ជាតិនៃពិព័រណ៍ពិភពលោកក្រុងប៉េកាំងបានបើកសម្ពោធជាផ្លូវការ។ កម្ពុជាបានចូលរួមពិព័រណ៍វប្បធម៌-ទេសចរណ៍ក្រុងប៉េកាំងក្នុងនាមជាប្រទេសកិត្តិយស។ ពិព័រណ៍វត្ថុបុរាណល្បីនៃប្រទេសកម្ពុជាបានរៀបចំនៅក្រុងប៉េកាំង។ មិនតែប៉ុណ្ណោះទេ ក្នុងរយៈពេលមួយឆ្នាំកន្លងទៅនោះ ប្រទេសចិននិងកម្ពុជាបានរៀបចំសកម្មភាពផ្លាស់ប្តូរគ្នាមួយចំនួនទៀតដែលបានធ្វើឱ្យ“ឆ្នាំវប្បធម៌-ទេសចរណ៍ចិន-កម្ពុជា”នេះមានខ្លឹមសារកាន់តែសម្បូរបែប។ ប្រទេសចិនជាប្រភពទេចរធំជាងគេរបស់កម្ពុជា។
ការរៀបចំកម្មវិធី“ឆ្នាំវប្បធម៌-ទេសចរណ៍ចិន-កម្ពុជា”បានធ្វើឱ្យប្រជាជនចិនកាន់តែច្រើនស្គាល់ប្រទេសកម្ពុជា ហើយក៏បានជំរុញការផ្សព្វផ្សាយពីវប្បធម៌ និងទេសចរណ៍កម្ពុជា។ ប៉ុន្មានឆ្នាំមកនេះ ប្រទេសចិននិងកម្ពុជាបានបង្កើតកិច្ចសហប្រតិបត្តិការស្អិតល្មួត ក្នុងការអនុវត្តគម្រោងវារីអគ្គិសនី គមនាគមន៍ កំពង់ផែនិងហេដ្ឋារចនាសម្ព័ន្ធជាច្រើនទៀត ដែលបាននាំមកនូវផលលាភដល់ការអភិវឌ្ឍន៍នៃសេដ្ឋកិច្ច និងសង្គមកិច្ចកម្ពុជា។
គម្រោងតំបន់សេដ្ឋកិច្ចពិសេសក្រុងព្រះសីហនុ គម្រោងជួសជុលព្រលានយន្តហោះអន្តរជាតិភ្នំពេញ គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុនិងគម្រោងហេដ្ឋារចនាសម្ព័ន្ធផ្សេងៗទៀត ដែលរួមគ្នាអនុវត្តដោយភាគីទាំងពីរ បានជួយកែលម្អល័ក្ខខ័ណ្ឌនៃការធ្វើដំណើរក្នុងប្រទេសកម្ពុជា ជំរុញការតភ្ជាប់តំបន់ទេសចរណ៍ផ្សេងៗនិងបានរួមចំណែកក្នុងការអភិវឌ្ឍវិស័យទេសចរណ៍កម្ពុជាឱ្យទទួលបានសមិទ្ធផលកាន់តែច្រើនថែមទៀត។
នៅខែវិច្ឆិកាឆ្នាំនេះ សម្តេចអគ្គមហារសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ក្នុងកិច្ចប្រជុំថ្នាក់ដឹកនាំប្រទេសអាស៊ីបូព៌ាថា ប្រទេសចិនបានជួយប្រទេសកម្ពុជាសង់ផ្លូវច្រើនដែលមិនគ្រាន់តែសម្រេចនូវការតភ្ជាប់តំបន់ផ្សេងៗក្នុងប្រទេសកម្ពុជាប៉ុណ្ណោះទេ ថែមទាំងបានជំវុញការតភ្ជាប់ប្រទេសកម្ពុជាទៅនឹងប្រទេសវៀតណាម លាវនិងថៃ ហើយបានជំរុញការធ្វើសមាហរណកម្មននៃតំបន់ទន្លេមេគង្គ និងអាស៊ាន។
ក្រៅពីការកែលម្អប្រព័ន្ធហេដ្ឋារចនាសម្ព័ន្ធ និង“គ្រឿងរឹង”ផ្សេងៗទៀត គម្រោង“គ្រឿងទន់”មួយចំនួនធំដែលធ្វើកិច្ចសហប្រតិបត្តិការដោយប្រទេសចិននិងកម្ពុជានោះ ក៏បានជំរុញញការអភិវឌ្ឍទេសចរណ៍នៃប្រទេសកម្ពុជាដែរ។ ក្នុងនោះ កម្មវិធីស្តែងសិល្បៈ“ស្នាមញញឹមអង្គរ”ដែលផលិតដោយក្រុមហ៊ុនវិនិយោគឧស្សាហកម្មវប្បធម៌ខេត្តយូណានគឺជាគម្រោងដ៏ជោគជ័យមួយ។
“ស្នាមញញឹមអង្គរ”បានទទួលការស្វាគមន៍ពីភ្ញៀវទេសចរណ៍ដែលមកពីបណ្តាប្រទេសនានា និងបានក្លាយទៅជាគម្រោងទេសចរណ៍និងម៉ាកទេសចរណ៍ល្បីឈ្មោះរបស់ប្រទេសកម្ពុជាសម្រាប់ជំរុញការផ្សព្វផ្សាយពីវប្បធម៌ប្រពៃណីខ្មែរ។
ការកែលម្អ“គ្រឿងរឹង”និង“គ្រឿងទន់”បានធ្វើឱ្យការផ្លាស់ប្តូរនិងកិច្ចសហប្រតិបត្តិការលើវិស័យទេសចរណ៍ចិន-កម្ពុជាទទួលបាននូវលទ្ធផលជាផ្លែផ្កា ក្នុងឱកាសឆ្នាំវប្បធម៌-ទេសចរណ៍នេះ។ ភាគីទាំងពីរបានរក្សាការផ្លាស់ប្តូរទស្សនកិច្ចជាញឹកញាប់។ ខ្ញុំជឿជាក់ថា កិច្ចសហប្រតិបត្តិការវប្បធម៌-ទេសចរណ៍រវាងប្រទេសចិននិងកម្ពុជាមុខជានឹងអាចមានអនាគតកាន់តែភ្លឺស្វាងមិនខាន។
ដោយលោក ជូ ជឹនម៉េង អ្នកសង្កេតការណ៍ពិសេសនៃទស្សនាវដ្តី សាស្រ្តាចារ្យនៃវិទ្យាស្ថានសិក្សាស្រាវជ្រាវអាស៊ីខាងត្បូង និងអាស៊ីអាគ្នេយ៍(គុនមីញ) ប្រទេសចិន