ថ្ងៃទី ២១ ខែមករា ក្នុងសនិ្នសីទសារព័ត៌មានជាប្រចាំនៃក្រសួងការបរទេសចិន លោក Geng Shuang អ្នកនាំពាក្យក្រសួងការបរទេសចិនបានឧទ្ទេសនាមអំពីសភាពជំងឺពាក់ព័ន្ធ ដោយបានថ្លែងថា បន្ទាប់ពីបានផ្ទុះសភាពជំងឺរលាកសួតថ្មី រដ្ឋាភិបាលចិនបានយកចិត្តទុកដាក់ខ្ពស់ទៅលើការងារបង្ការនិងគ្រប់គ្រងសភាពជំងឺ ព្រមទាំងបានធ្វើការចាត់ចែងដោយគ្រប់ជ្រុងជ្រោយ ។
ប្រទេសចិនបានជូនដំណឹងអំពីសភាពជំងឺដោយទាន់ពេលវេលាទៅកាន់ប្រទេសពាក់ព័ន្ធនៃអង្គការសុខភាពពិភពលោក និងហុងកុង ម៉ាកាវ ក៏ដូចជាតំបន់តៃវ៉ាន់ផងដែរ ដោយកាន់អាកប្បកិរិយាមានទំនួសខុសត្រូវខ្ពស់ចំពោះសនិ្តសុខសុខាភិបាលពិភពលោកទាំងមូល ។
ក្រៅពីនេះ ដោយទទួលបានសេចកី្តអញ្ជើញពីអង្គការសុខភាពពិភពលោក នៅយប់ថ្ងៃទី ២២ ខែមករា ប្រទេសចិននឹងចូលរួមសនិ្នសីទនៃគណៈកម្មការករណីកើតមានជាយថាហេតុតាមលក្ខន្តិកៈសុខាភិបាលអន្តរជាតិ ក្នុងសនិ្នសីទលើកនេះ តំណាងនៃបណ្តាប្រទេសជាសមាជិកនិងអង្គការសុខភាពពិភពលោក ព្រមនិងអ្នកជំនាញពាក់ព័ន្ធនឹងចែករំលែកពីព័ត៌មានអំពីសភាពជំងឺរលាកសួតថ្មី ក្នុងន័យធ្វើការវិនិច្ឆ័យដោយវិទ្យាសាស្ត្រចំពោះសភាពជំងឺ ។
ប្រទេសចិនរីករាយបន្តធ្វើកិច្ចសហប្រតិបតិ្តការអន្តរជាតិកាន់តែស៊ីជម្រៅជាបន្តទៀត សហការជាមួយសហគមន៍អន្តរជាតិ ដើម្បីរួមគ្នាទប់ទល់នឹងសភាពជំងឺ ក៏ដូចជារួមគ្នាគាំពារសន្តិសុខសុខាភិបាលក្នុងតំបន់និងពិភពលោកទាំងមូលផងដែរ ៕
អ្នកបកប្រែ：Guo Xiangqing