លោក ស៊ីជីនភីង ប្រធានរដ្ឋចិនបានជួបពិភាក្សាការងារជាមួយលោក Khaltmaa Battulga ប្រធានាធិបតីម៉ុងហ្គោលីនៅវិមានសភាប្រជាជនចិនកាលពីថ្ងៃទី ២៧ ខែកុម្ភៈ ។ ថែ្លងក្នុងកិច្ចជំនួប លោក ស៊ីជីនភីង បានចង្អុលបង្ហាញថា នាពេលបច្ចុប្បន្ននេះ រដ្ឋាភិបាលចិននិងប្រជាជនចិនកំពុងខិតខំប្រឹងប្រែងយ៉ាងពេញទំហឹងដើម្បីប្រយុទ្ធប្រឆាំងនឹងការរាតត្បាតនៃជំងឺ Covid-19 និងបានទទួលការគាំទ្រនិងជំនួយដ៏មានតម្លៃពីរដ្ឋាភិបាលនិងប្រជាជនម៉ុងហ្គោលី។បន្ទាប់ពីផ្ទុះនូវជំងឺនេះ លោកប្រធានាធិបតីបានធ្វើដំណើរពិសេសមួយដើម្បីសម្តែងការសួរសុខទុក្ខនិងគាំទ្រដល់ភាគីចិនដែលនេះបានឆ្លុះបញ្ចាំងយ៉ាងពេញលេញនូវការយកចិត្តទុកដាក់ខ្ពស់របស់លោកប្រធានាធិបតីចំពោះទំនាក់ទំនងរវាងចិននិងម៉ុងហ្គោលីព្រមទាំងចំណងមិត្តភាពដ៏ជ្រាលជ្រៅរបស់លោកជាមួយប្រជាជនចិនផងដែរ។
ជាការឆ្លើយតប លោក Khaltmaa Battulga ប្រធានាធិបតីម៉ុងហ្គោលីបានថែ្លងថា តាងនាមប្រជាជនម៉ុងហ្គោលីដែលជាអ្នកជិតខាងប្រកបដោយភាពសុខដុមរមនានិងមេត្រីភាពជានិច្ចជាមួយប្រទេសចិន នៅក្នុងគ្រាពិសេសនេះ ម៉ុងហ្គោលីមានឆន្ទៈពួតដៃគ្នាជាមួយប្រជាជនចិនដើម្បីឆ្លងកាត់ដំណាក់កាលលំបាកនេះ៕
អ្នកបកប្រែ:Wei Wei