ស្ថាប័នជាតិចិនចំនួន៥ ដូចជាតុលាការប្រជាជនកំពូលនិងសាលាអយ្យការប្រជាជនកំពូលជាដើមបានចេញសេចកី្តប្រកាសរួមស្តីពីការផ្តន្ទាទោសតាមច្បាប់ទៅលើបទល្មើសបង្កការប៉ះពាល់ដល់សន្តិសុខសុខាភិបាលក្នុងដែនចិន
នាពេលថ្មីៗកន្លងទៅនេះ តុលាការប្រជាជនកំពូល សាលាអយ្យការប្រជាជនកំពូល ក្រសួងសន្តិសុខសាធារណៈ ក្រសួងយុតិ្តធម៌ និងអគ្គនាយកដ្ឋានគយនៃប្រទេសចិនបានចេញសេចកី្តប្រកាសរួម ដោយតម្រូវឱ្យបង្កើនថែមមួយកម្រិតទៀតនូវការងារសុខាភិបាលនិងចត្តាឡីស័កក្នុងដែនចិន ក្នុងន័យផ្តន្ទាទោសតាមច្បាប់ទៅលើបទល្មើសដែលបង្កការប៉ះពាល់ដល់សន្តិសុខសុខាភិបាលក្នុងដែនចិន ដើម្បីការពារសន្តិសុខសុខាភិបាលសាធារណៈ ក៏ដូចជាធានាសុវត្ថិភាពអាយុជីវិតនិងសុខភាពរបស់ប្រជាជន ។
សេចកី្តប្រកាសនេះបានចង្អុលបង្ហាញថា ស្ថាប័នពាក់ព័ន្ធនានាត្រូវផ្តន្ទាទោសតាមច្បាប់ ទាន់ពេលវេលានិងម៉ឺងម៉ាត់ទៅលើបទល្មើសគ្រប់បែបយ៉ាងដែលបានល្មើសការងារសុខាភិបាលនិងចត្តាឡីស័កក្នុងដែនចិន ដើម្បីបង្កើតជាខ្សែការពារខាងសុខាភិបាលនិងចត្តាឡួស័កនៅ តាមច្រកព្រំដែន និងទប់ស្កាត់យ៉ាងដាច់ខាតមិនឱ្យជំងឺឆ្លងរីករាលដាលតាមច្រកព្រំដែន ក៏ដូចជាផ្តល់ការធានាខាងផ្លូវច្បាប់យ៉ាងរឹងមាំសម្រាប់គាំពារសន្តិសុខសុខាភិបាលសាធារណៈផងដែរ ៕
អ្នកបកប្រែ：Guo Xiangqing