អ្នកឆ្លងដែនចូលខេត្តយូណានត្រូវប្រមូលផ្តុំដាក់ដាច់ដោយឡែករយៈពេល១៤ថ្ងៃ
នាថ្ងៃទី១៧ ខែមីនា ឆ្នាំ២០២០ បញ្ជាការដ្ឋាននៃក្រុមដឹកនាំប្រឆាំងការរាតត្បាតជំងឺវីរុសCovid-19នៃខេត្តយូណានបានប្រកាសសេចក្តីជូនដំណឹងលេខ១៣ បានឱ្យដឹងថា ត្រូវតែបង្កើនការងារការពារនិងគ្រប់គ្រងការរាតត្បាតជំងឹវីរុស Covid-19សម្រាប់ការឆ្លងដែនចូលមកខេត្តយូណានដោយដែលមានអត្ថន័យដូចតទៅ៖
១ ជនមានប្រវត្តិធ្វើដំណើរនិងរស់នៅក្រៅប្រទេសចិន ហើយយកខេត្តយូណានជាទីតាំងគោលដៅនោះ រួមទាំងជនបរទេសប្រជាពលរដ្ឋចិនត្រឡប់មកប្រទេសចិនវិញ（រួមទាំងអ្នកមានសញ្ជាតិហុងកុង ម៉ាកាវនិងតៃវ៉ាន់）ត្រូវប្រមូលផ្តុំដាក់ដាច់ដោយឡែកគ្នារយៈពេល១៤ថ្ងៃដោយសង្កេតមើលតាមបែបវេជ្ជសាស្ត្រ។ចំពោះជនដែលចូលខេត្តយូណានក្នុងការផ្លាស់ប្តូរជើងហោះហើរ ប្រសិនបើមានរោគសញ្ញាខុសពីធម្មតាដូចជា ក្តៅខ្លួន និងក្អកជាដើម នឹងដឹកជញ្ជូនទៅកាន់មន្ទីរពេទ្យកំណត់ហើយត្រួតពិនិត្យជាមុនសិន។
២ អ្នកដែលត្រូវប្រមូលផ្តុំដាក់ដាច់ដោយឡែកគ្នារយៈពេល១៤ថ្ងៃដោយសង្កេតមើលតាមបែបវេជ្ជសាស្ត្រត្រូវចំណាយលើការបរិភោគនិងការស្នាក់នៅដោយខួនឯង។ ចំពោះអ្នកគ្មានរោគសញ្ញាខុសពីធម្មតាអាចបន្តធ្វើដំណើរ ប្រសិនបើនៅថ្ងៃនោះត្រូវការស្នាក់នៅបណ្តោះអាសន្ន ថ្ងៃបន្ទាប់ផ្លាស់ប្តូរជើងហោះហើរនោះ នឹងរៀបចំការស្នាក់នៅដោយឯកភាពគ្នាចូលក្នុងសណ្ឋាគារការកំណត់ ដោយត្រូវចំណាយលើការបរិភោគនិងការស្នាក់នៅដោយខួនឯង។
៣ អ្នកឆ្លងព្រំដែនចូលក្នុងខេត្តយូណាន ស្ថាប័ននិងអង្គការគ្រប់លំដាប់ថ្នាក់ សហគ្រាសនិងសណ្ឋាគារ និងសហគមន៍ត្រូវចុះបញ្ជីព័ត៌មាននិងឃ្លាំមើលស្ថានភាពសុខភាព ហើយរាយការណ៍មកថ្នាក់លើ។ ប្រសិនបើមានអ្នកចូលខេត្តយូណានពីបរទេសលាក់បាំងប្រវត្តិធ្វើដំណើរនិងរស់នៅបរទេស ឬមិនចាត់វិធានការដាក់នៅដាច់ដោយឡែកតាមសំណូមពរ ប្រជាពលរដ្ឋចិនត្រូវរាយការណ៍ដល់សហគមន៍ដែលខ្លួនស្នាក់នៅឬអង្គភាពសន្តិសុខសាធារណៈ។
៤ អ្នកចូលខេត្តយូណានដែលមានប្រវត្តិធ្វើដំណើរនិងស្នាក់នៅបរទេសក្នុងរយៈពេល១៤ថ្ងៃ ត្រូវរាយការណ៍ព័ត៌មានផ្ទាល់ខ្លួនពិតជាក់ស្តែង។ ប្រសិនបើលាក់បាំងប្រវត្តិធ្វើដំណើរនិងស្នាក់នៅបរទេស ប្រវត្តិប៉ះពាល់អ្នកវិជ្ជមានជំងឺវីរុស Covid-19 មិនរាយការណ៍ស្ថានភាពសុខភាព បដិសេធទទួលវិធានការត្រួតពិនិត្យវេជ្ជសាស្ត្រនិងប្រមូលផ្តុំដាក់ដាច់ដោយឡែកគ្នានោះ នឹងចាត់ទុកជាបុគ្គលបាត់ទំនុកចិត្តហើយរៀបចំសំណុំរឿងបុគ្គលព្រមទាំងត្រូវទទួលខុសត្រូវចំពោះមុខច្បាប់។
៥ ក្នុងអំឡុងពេលការពារនិងប្រយុទ្ធប្រឆាំងការរាតត្បាតជំងឹវីរុស Covid-19ស្ថាប័នកិច្ចការបរទេសទូទាំងខេត្តយូណានត្រូវបកស្រាយនិងឃោសនាគោលនយោបាយការពារនិងប្រយុទ្ធប្រឆាំងការរាតត្បាតជំងឹវីរុស Covid-19 ចំពោះប្រជាជនបរទេស ផ្គត់ផ្គង់សេវាកម្មផ្នែកផ្លូវចិត្ត បរិភោគនិងស្នាក់នៅ បំពេញតម្រូវការសមហេតុផលយ៉ាងសកម្ម៕
អ្នកបកប្រែ៖ លីហ្សា