បទវិភាគអន្តរជាតិ ៖ តើប្រទេសចិនបានលាក់បាំងករណីជំងឺឆ្លងឬអត់? អ្នកជំនាញអង្គការសុខភាពពិភពលោក ប្រាប់ពីការពិត
បន្ទាប់ពីការផ្ទុះរាលដាលករណីជំងឺ COVID-19 មក អ្នកនយោបាយនិងប្រព័ន្ធសារព័ត៌មានមួយចំនួនរបស់ងាមេរិកបាននាំគ្នាចោទប្រកាន់ដោយគ្មានហេតុផលថា”ប្រទេសចិនមានចេតនាលាក់បាំងករណីជំងឺឆ្លង” ដែលប៉ុនប៉ងទម្លាក់ការទទួលខុសត្រូវទាំងស្រុងទៅលើប្រទេសចិន ក៏ប៉ុន្តែ លោក Galea តំណាងនៃអង្គការសុខភាពពិភពលោកប្រចាំនៅប្រទេសចិនដែលបានចួលរួមផ្ទាល់ក្នុងការប្រយុទ្ធប្រឆាំងនឹងករណីជំងឺឆ្លងនៅប្រទេសចិនបានលាតត្រដាងពីពាក្យកុហកភូតភរទាំងស្រុងនេះនៅពេលថ្មីៗកន្លងនេះ។
លោក Galea បាននិយាយថា កាលពីថ្ងៃទី៣១ខែធ្នូ ឆ្នាំ២០១៩ គឺយប់មុនថ្ងៃបិទផ្សារគ្រឿងសមុទ្រ Huanan ក្រុងវូហានមួយថ្ងៃ អង្គការសុខភាពពិភពលោកក៏បានទទួលការជូនដំណឹងក្រៅផ្លូវការពីប្រទេសចិនហើយ ។ ថ្ងៃទី១ ខែមករា ឆ្នាំ២០២០ អង្គការសុខភាពពិភពលោកបានកោះធ្វើកិច្ចប្រជុំតាមទូរស័ព្ទរវាងការិយាល័យតំណាងប្រចាំនៅប្រទេសចិន ការិយាល័យប្រចាំតំបន់និងទីស្នាក់ការកណ្តាលទីក្រុងហ្សឺណែវនៃអង្គការសុខភាពពិភពលោក ព្រមនិងបង្កើតក្រុមការងារទប់ទល់រួចជាស្រេចនៅមុនថ្ងៃទី៣ខែមករាដែលប្រទេសចិនបានរាយការណ៍ជាផ្លូវការ ។ ពីថ្ងៃទី២០ដល់២១ខែមករា បុគ្គលិកនៃការិយាល័យតំណាងនៃអង្គការសុខភាពពិភពលោកប្រចាំនៅប្រទេសចិនបានចុះ សង្កេតការណ៍នៅនឹងកន្លែងផ្ទាល់ក្រុងវូហាន។
ការបង្ហើបឱ្យដឹងយ៉ាងលម្អិតរបស់លោក Galea បានបញ្ជាក់ថា ដោយសារប្រទេសចិនបានចែករំលែកនិងរាយការណ៍ពីព័ត៌មានពាក់ព័ន្ធទៅអង្គការសុខភាពពិភពលោកយ៉ាងទាន់ពេលវេលាបានជាមានមូលដ្ឋានគ្រឹះសម្រាប់ស្ថាប័មួយននេះធ្វើការវិភាគនិងវាយតម្លៃដ៏ត្រឹមត្រូវអំពីសភាពរីករាលដាលនៃជំងឺឆ្លងនិងប្រកាសការព្រមានជាមុន ដើម្បីទប់ស្កាត់ជំងឺឆ្លងជាសកល ។ ប្រទេសចិនបានខិតខំប្រឹងប្រែងនិងចូលរួមចំណែកយ៉ាងធំធេន ដើម្បីកសាងខ្សែការពារទីមួយដ៏រឹងមាំសម្រាប់សហគមន៍អន្តរជាតិបង្ការនិងគ្រប់គ្រងជំងឺឆ្លង ។
បច្ចុប្បន្ននេះ ប្រទេសចិនបានទប់ស្កាត់សន្ទុះរាលដាលនៃជំងឺឆ្លងនេះហើយ ។ ថ្ងៃទី ១៨ ខែ មីនា នៅ ខេត្តហ៊ូប៉ី គ្មានករណីឆ្លងថ្មីទេ ។ ចំណែករណីជំងឺឆ្លងនៅអាមេរិកវិញកំពុងរីករាលដាលខ្លាំងឡើងៗ ។
ក្នុងដំណាក់កាលដំបូងនៃការរាលដាលនៃជំងឺឆ្លង រដ្ឋាភិបាលអាមេរិកមិនបានសកម្មទប់ទល់នឹងជំងឺឆ្លងដោយឥរិយាបថទទួលខុសត្រូវនោះទេ ពោលគឺមានសភាពយឺតយ៉ាវទាំងការតាមដានករណីឆ្លង ការត្រួតពិនិត្យករណីឆ្លង និងការប្រកាសព័ត៌មានពាក់ព័ន្ធ ជាហេតុបណ្តាលឱ្យភាពប្រុងប្រយ័ត្នរបស់ប្រជាពលរដ្ឋមិនគ្រប់គ្រាន់ ។ ទាំងនេះគឺជាការពិតដែលមិនអាចបិទបាំងបាននោះឡើយ ។
កាលពីដើមខែមីនា មជ្ឈមណ្ឌលគ្រប់គ្រងជំងឺសហរដ្ឋអាមេរិកបានប្រកាសពីការបញ្ឈប់ការប្រកាសពីតួលេខស្ថិតិនៃអ្នកទទួលការធ្វើតេស្តនៅទូទាំងប្រទេសនិងករណីឆ្លងជំងឺកូវីដ-19នៅរដ្ឋនីមួយៗ ។ ទង្វើដែលផ្ទុយនឹងគោការណ៍យុត្តិធម៌និងតម្លាភាពបែបនេះ គឺជាទង្វើលាក់បាំងការពិត ដូច្នេះបានរងការរិះគន់ជាទូទៅពីសំណាក់មជ្ឈដ្ឋានមតិសាធារណៈជាតិនិងអន្តរជាតិ ។
មុនដំបូងអាមេរិកបានលាក់បាំងព័ត៌មានអំពីករណីជំងឺឆ្លងក្នុងស្រុក បន្ទាប់មកបានចេញបម្រាមទៅលើប្រទេសដទៃ រហូតដល់ចាត់ទុកវីរុសកូរ៉ូណាថ្មីជា “វីរុសវូហាន ” “វីរុសចិន” ទៀត ប្រការទាំងនេះបានបង្ហាញថា អ្នកនយោបាយមួយចំនួនរបស់អាមេរិកបាននិងកំពុងក្លាយជាកម្លាំងបំផ្លិចបំផ្លាញការរួមគ្នាប្រយុទ្ធប្រឆាំងនឹងករណីជំងឺឆ្លងនៅលើពិភពលោក ។
បច្ចុប្បន្ន ស្ថានភាពបង្ការនិងគ្រប់គ្រងករណីជំងឺឆ្លងនៅលើពិភលោកទាំងមូលនៅតែមានភាពតានតឹងដដែល កិច្ចសហប្រតិបតិ្តការប្រកបដោយសាមគ្គីភាពទើបជាអាវុធដ៏ខ្លាំងក្លាបំផុតសម្រាប់យកជ័យជម្នះលើករណីជំងឺឆ្លងនេះ ៕
អ្នកបកប្រែ：Cui Qianqian