ខេត្តយូណានប្រទេសចិននឹងបង្កើនការគ្រប់គ្រងព្រំដែន ផ្អាកការដឹកជញ្ជូនអ្នកដំណើរតាមច្រកព្រំដែន

នាថ្ងៃទី៣១ ខែមីនា  បញ្ជាការដ្ឋានក្រុមដឹកនាំការងារប្រយុទ្ធប្រឆាំងការរាតត្បាតជំងឺកូវីដ១៩ខេត្តយូណានបានផ្សព្វផ្សាយសេចក្តី​ប្រកាសលេខ១៥ ថា  នឹងគ្រប់គ្រងយ៉ាងតឹងរ៉ឹងសម្រាប់អ្នកចេញចូលមិនចាំបាច់នៅតំបន់ព្រំដែន  ហើយផ្អាកការដឹកជញ្ជូនអ្នកដំណើរតាមច្រកព្រំដែននិងច្រកចេញចូលនានា  ដើម្បីការពារការរាតត្បាតជំងឺកូវីដ១៩។

យោងតាមសេចក្តីប្រកាសបានដឹងថា  ច្រកព្រំដែនដីគោកនៃខេត្តយូណានប្រទេសចិននឹងហាមឃាត់អ្នកមកពីប្រទេសទីបីឆ្លងកាត់  មិនអនុញ្ញាតិឱ្យប្រជាពលរដ្ឋចិន（រួមទាំងប្រជាពលរដ្ឋរស់នៅព្រំដែន）ចេញពីប្រទេសចិនតាមច្រកព្រំដែនដីគោក ច្រកព្រំដែនទឹកនិងច្រកប្រជាពលរដ្ឋរស់នៅព្រំដែន  បង្កាប់ឱ្យប្រជាពលរដ្ឋរស់នៅប្រទេសជិតខាង（រួមទាំងប្រជាពលរដ្ឋរស់នៅព្រំដែន）ចូលមកប្រទេសចិនតាមច្រកព្រំដែនដីគោក ច្រកព្រំដែនទឹកនិងច្រកប្រជាពលរដ្ឋរស់នៅព្រំដែន។  ចំពោះបុគ្គលចូលពីប្រទេសជិតខាងមកកាន់ប្រទេសចិនទាំងអស់សុទ្ធតែត្រូវការដាក់ដាច់ដោយឡែករយៈពេល១៤ថ្ងៃ ហើយធ្វើតេស្តអាស៊ី​ត Nucleic ដែលត្រូវចំណាយថ្លៃសេវាដោយខ្លួនឯង។

  

បុគ្គលចូលប្រទេសចិនដែលបានធ្វើតេស្តអាស៊ី​ត Nucleic បង្ហាញលទ្ធផលអវិជ្ជមន២ដងនិងការធ្វើតេស្តអង់ទីករសេរ៉ូមលទ្ធផលអវិជ្ជមានម្តងដោយចំណាយថ្លៃសេវាដោយខ្លួនឯង បន្ទាប់ពីការដាក់ដាច់ដោយឡែករយៈពេល ៧ ថ្ងៃរួមបញ្ចូលការដាក់ដោយឡែកនៅ​ក្នុងផ្ទះរយៈពេល ៧ ថ្ងៃទៀត។  ប្រជាពលរដ្ឋចិនទាំងអស់ដែលចូលមកប្រទេសចិនត្រូវរាយការណ៍អំពីស្ថានភាពសុខភាពខ្លួន។

  

ជាងនេះទៅទៀត  សម្រាប់ការដឹកជញ្ជូនតាមឆ្លងព្រំដែនខេត្តយូណាននឹងចាត់វិធានការដូចជា  ការដឹកជញ្ជូនមនុស្សនិងទំនិញដោយឡែកពីគ្នា  ការដឹកជញ្ជូនតាមដំណាក់កាលនិងការគ្រប់គ្រងដោយបិទជិត។ រថយន្ដដឹកទំនិញបរទេសត្រូវរើទំនិញចេញនៅទីតាំងច្រកព្រំដែន  ហើយអ្នកបើកឡានដឹកទំនិញបរទេសត្រូវការចាកចេញពីប្រទេសចិននៅថ្ងៃដដែល។ អ្នកបើកបរនៅតំបន់ច្រកព្រំដែនទទួលខុសត្រូវផ្ទេររថយន្តដឹកទំនិញឆ្លងព្រំដែននៃប្រទេសចិន  ចំពោះអ្នកបើកបរផ្ទេរទំនិញត្រូវគ្រប់គ្រងដោយចុះបញ្ជីឈ្មោះ  និងធ្វើតេស្តអាស៊ី​ត Nucleic តាមពេលកំណត់។

 

សូមបញ្ជាក់ថា ច្រកព្រំដែនដីគោកចំនួន១៩និងច្រកចេញចូលចំនួន១៤រវាងខេត្តយូណាននិងប្រទេសមីយ៉ាន់ម៉ា  ឡាវ  វៀតណាមបានផ្អាកការដឹកជញ្ជូនអ្នកដំណើរ  ដែលរក្សាការដឹកជញ្ជូនទំនិញឆ្លងកាត់  ច្រកដទៃត្រូវផ្អាកជាបណ្តោះអាសន្ន ហើយបិទការដឹកជញ្ជូនអ្នកដំណើរនិងទំនិញនៃកំពង់ផែកួនឡី។

អត្ថន័យលម្អិតសូមចុចlink（ភាសាអង់គ្លេស）៕

http://english.yunnan.cn/html/2020/consulgeneral_0401/19448.html

អ្នកបកប្រែ៖ លីហ្សា