ចិនបង្ហូតទង់ជាតិត្រឹមពាក់កណ្តាលដង ដើម្បីសម្តែងមរណទុក្ខចំពោះវីរជនដែលបានពលីជីវិតក្នុងការប្រយុទ្ធប្រឆាំងជាមួយជំងឺកូវីដ១៩ និងបងប្អូនជនរួមជាតិដែលបានស្លាប់បាត់បង់ជីវិតដោយសារជំងឺនេះ
ព្រឹកព្រលឹមថ្ងៃទី ៤ មេសា ទីលាន Tian`anmen រដ្ឋធានីប៉េកាំងប្រទេសចិន បានបង្ហូតទង់ជាតិត្រឹមពាក់កណ្តាលដង ដើម្បីសម្តែងមរណទុក្ខយ៉ាងជ្រាលជ្រៅចំពោះវីរជនដែលបានពលីជីវិតក្នុងការប្រយុទ្ធប្រឆាំងជាមួយជំងឺកូវីដ១៩ និងបងប្អូនជនរួមជាតិដែលបានស្លាប់បាត់បង់ជីវិតដោយសារជំងឺនេះ ។
សូមបញ្ជាក់ថា តាមសារាចរនៃក្រុមប្រឹក្សាកិច្ចការរដ្ឋចិន នៅថ្ងៃទី ៤ ខែមេសា ឆ្នាំ ២០២០ នេះ ប្រទេសចិននឹងប្រារព្ធពិធីកាន់ទុក្ខថ្នាក់ជាតិ។ ក្នុងអំឡុងពេលនេះ នៅទូទាំងប្រទេសចិននិងស្ថានទូតនិងស្ថានកុងស៊ុលចិនប្រចាំនៅបរទេសត្រូវបង្ហូរទង់ជាតិត្រឹមពាក់កណ្តាលដងដើម្បីសម្តែងការកាន់ទុក្ខ ព្រមនិងផ្អាកសកម្មភាពកម្សាន្តសប្បាយគ្រប់បែបយ៉ាងនៅទូទាំងប្រទេស។ នៅវេលាម៉ោង១០ថ្ងៃទី៤ខែមេសា ប្រជាជនទូទាំងប្រទេសចិន ឈរស្មឹងស្មាធរយៈពេល៣នាទី រថយន្ត រថភ្លើងនិងនាវាបន្លឺស៊ីផ្លេ ស្ថាប័នការពារដែនអាកាសបន្លឺសញ្ញាព្រមានអាសន្ន៕
(ប្រភពរូបភាពៈ Xinhua/Ju Huanzong)