លោកបណ្ឌិត្យសភាចារ្យចិន Zhu Youyong លក់ដំឡូងបារាំងដោយការផ្សាយផ្ទាល់តាមអនឡាញ

លោក Zhu Youyong ជាអតីតសាកលវិទ្យាធិការនៃសាកលវិទ្យាល័យកសិកម្មយូណាន  និងជាបណ្ឌិត្យសភាចារ្យវិស្វកម្មចិន  ក៏ជាអ្នកជំនាញខាងរោគសាស្ត្ររុក្ខជាតិ（Plant Pathology）　ដ៏ល្បីឈ្មោះនៅប្រទេសចិនផងដែរ។ 

ប៉ុន្មានឆ្នាំកន្លងមក  លោកបានជួយភូមិហោជឺបា ស្រុកស្វយ័តជនជាតិឡាហ៊ូ ឡានឆាំង ដែលជាភូមិជនជាតិភាគតិចដ៏ក្រីក្រធ្ងន់ធ្ងរនិងស្ថិតនៅភាគខាងត្បូងខេត្តយូណាន ដើម្បីណែនាំកសិករតាមតំបន់ដាំដុះដំឡូងបារាំង​។

ដោយសារត្រូវប៉ះពាល់ពីការរាតត្បាតជំងឺកូវីដ១៩  ដំឡូងបារាំងរដូវរងានៃភូមិហោជឺបានៅឆ្នាំនេះគ្មានឈ្នួញមកទិញ។  ដើម្បីជួយកសិករក្នុងតំបន់ឆាប់លក់ដំឡូងបារាំងអស់  លោក Zhu Youyong បានធ្វើការផ្សាយផ្ទាល់លក់ដំឡូងបារាំងតាមអនឡាញ។

ក្នុងការផ្សាយផ្ទាល់  លោក Zhu Yuoyong បានណែនាំវីធីសាស្ត្រជ្រើសរើសនិងចំអិនដំឡូងបារាំង​  មានមនុស្សចំនួនជាង១១០ម៉ឺននាក់បានមើលការផ្សាយផ្ទាល់នេះ។  បច្ចុប្បន្ននេះ  ភូមិ ហោជឺបាបានដាំដំឡូងបារាំងរដូវរងាជាង១៥៧ហិចតា  គ្រួសារកសិករនីមួយៗក្នុងមួយឆ្នាំអាចបន្ថែមប្រាក់ចំណូល៧០៩ដល់១១៣៤ដុល្លាអាមេរិកជាមធ្យមក្នុងមួយឆ្នាំ៕

អ្នកបកប្រែ៖ លីហ្សា