ថ្ងៃទី ១២ ខែមេសា លោកZhao Lijian អ្នកនាំពាក្យក្រសួងការបរទេសចិនបានថ្លែងអំពីករណីដែលរដ្ឋបាលខេត្តក្វាងតុងចិនចាត់វិធានការបង្ការជំងឺឆ្លងលើពលរដ្ឋអាហ្រ្វិកនៅចិន ។ លោកបានថ្លែងថា រដ្ឋាភិបាលចិនមានវិធានការដោយស្មើភាពគ្នាចំពោះជនបរទេសទាំងអស់ដែលរស់នៅប្រទេសចិន ប្រឆាំងនឹងអំពើដែលចាត់វិធានការខុសគ្នាចំពោះបុគ្គលពិសេស រីឯការប្រើពាក្យសម្តីឬអំពើរើសអើង កាន់តែមិនអាចអត់ឱនឱ្យបានជាដាច់ខាត ។
លោកZhao Lijian បានថ្លែងថា តាំងពីផ្ទុះជំងឺCovid-19 មក រដ្ឋបាលខេត្តក្វាងតុងបានយកចិត្តទុកដាក់ខ្ពស់ចំពោះការងារជួយសង្រ្គោះជនបរទេសដែលឆ្លងជំងឺទាំងអស់នៅចិនក៏ដូចជាជនជាតិអាហ្រ្វិកផងដែរ ដោយបានដាក់ចេញផែនការពិសេស ធ្វើការចាត់ចែងដោយសមរម្យ បានជួយសង្រ្គោះអ្នកឆ្លងជំងឺធ្ងន់ធ្ងរសញ្ជាតិអាហ្វ្រិកមួយចំនួន បានធានាដល់សុវត្ថិភាពអាយុជីវិតនិងសុខភាពរបស់ពួកគេក្នុងកម្រិតអតិបរមា ។
លោកZhao Lijian បានថ្លែងទៀតថា វីរុសមិនបែងចែកព្រំដែននោះទេ វាជាបញ្ហាប្រឈមរួមរបស់មនុស្សជាតិទាំងមូល មានតែសហគមន៍អន្តរជាតិរួមសហការគ្នា ទើបអាចយកឈ្នះលើវាបាន ៕
អ្នកបកប្រែ：Guo Xiangqing