អ្នកសារព័ត៌មានបានទទួលដំណឹងពីសន្និសីទសារព័ត៌មានរបស់ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនកាលពីថ្ងៃទី ២៧ ខែមេសាឱ្យដឹងថា បច្ចុប្បន្ន ផែនការសិក្សាស្រាវជ្រាវវ៉ាក់សាំងសម្រាប់ប្រឆាំងនឹងវីរុសCOVID-19ចំនួន ៥ ដែលបានទទួលការគាំទ្រពីសំណាក់រដ្ឋាភិបាលចិនបាននិងកំពុងដំណើរការដែលប្រកបដោយរបៀបរៀបរយល្អ ។ អ្នកជំនាញចិនរំពឹងទុកថា អាចធ្វើកិច្ចសហប្រតិបត្តិការជាមួយអ្នកជំនាញអន្តរជាតិ ។
លោកWang Guiqiang ប្រធានផ្នែកជំងឺឆ្លងនៃមន្ទីរពេទ្យទីមួយនៃសកលវិទ្យាល័យប៉េកាំងបានឧទ្ទេសនាមថា រដ្ឋាភិបាលចិនបានចាប់ដំណើរការភ្លាមនូវផែនការសិក្សាស្រាវជ្រាវវ៉ាក់សាំងបន្ទាប់ពីផ្ទុះជំងឺឆ្លង ។ ស្របពេលជាមួយគ្នានេះ លោកWang Guiqiang បានថ្លែងទៀតថា ការសិក្សាស្រាវជ្រាវវ៉ាក់សាំងជាគម្រោងធំមួយ បច្ចុប្បន្ន ប្រទេសចិនបានធ្វើកិច្ចសហប្រតិបត្តិការផ្នែកសិក្សាស្រាវជ្រាវជាមួយប្រទេសអាមេរិក អាល្លឺម៉ង់ និងអង់គ្លេសជាដើម ៕
អ្នកបកប្រែ：Zhai Qianqian