សាលាមត្តេយ្យខេត្តយូណានអាចបើកបវេសនកាលនាថ្ងៃទី២៥ ខែឧសភា

បច្ចុប្បន្ននេះ  ស្ថានការណ៍ប្រឆាំងការរាតត្បាតជំងឺកូវីដ-១៩ នៃខេត្តយូណានបានប្រែជាល្អបណ្តើៗ។  នាថ្ងៃទី១៨ ខែឧសភា  មន្ទីរអប់រំខេត្តយូណានបានចេញសេចក្តីជូនដំណឹងថា  ចំពោះសាលាមត្តេយ្យនិងសាលាអប់រំពិសេស（ដូចជាសាលាជនពិការ）ដែលប្រឆាំងការរាតត្បាតជំងឺកូវីដ-១៩ដល់ស្តង់ដារប្រឆាំងជំងឺកូវីដ១៩នៃរដ្ឋបាលអាចបើកបវេសនកាលនាថ្ងៃទី២៥ ខែឧសភា។

សេចក្តីជូនដំណឹងនេះទាមទារឱ្យសិស្សបើកបវេសនកាលបែងចែកជាច្រើនលើកតាមពេលខុសៗពេល  សាលាត្រូវត្រួតពិនិត្យនិងសង្កេតស្ថានភាពសុខភាពនិងប្រវត្តិសាស្ត្រដំណើររបស់សិស្ស មុនពេលបើកបវេសនកាល ។ ចំពោះអ្នកដែលត្រូវបានវិនិច្ឆ័យត្រូវការធ្វើត្រួតពិនិត្យអាស៊ី​ត Nucleic សាលាត្រូវការរៀបចំធ្វើត្រួតពិនិត្យទាំងអស់។  នៅថ្ងៃទីមួយនៃការបើកបវេសនកាល  សាលាត្រូវរៀបចំបង្រៀនចំណេះដឹងអំពីការប្រឆាំងជំងឺកូវីដ១៩និងការពារខ្លួនដល់គ្រូបង្រៀននិងសិស្ស  គ្រូបង្រៀនត្រូវការយកចិត្តទុកដាក់ដល់សិស្សក្នុងការរក្សាទម្លាប់អនាម័យខ្លួនឱ្យបានល្អ​​។ សាលាត្រូវរៀបចំការហ្វឹកហាត់បណ្តោះអាសន្នប្រឆាំងជំងឺកូវីដ១៩  ដើម្បីបង្រៀនសិស្សជំនាញការពារខ្លួនជាចាំបាច់។  ក្នុងបន្ទប់ត្រូវធានាខ្យល់ចេញចូលល្អធ្វើការសម្លាប់មេរោគតាមវីធីសាស្ត្រស្តង់ដារ  និងប្រឆាំងការរាតត្បាតជំងឺកូវីដ-១៩ក្នុងសាលាឱ្យបានល្អ​។

សូមបញ្ជាក់ថា  បច្ចុប្បន្ននេះនៅខេត្តយូណាន  ចំពោះសាលាបឋមសិក្សា និងអនុវិទ្យាល័យដែលប្រឆាំងការរាតត្បាតជំងឺកូវីដ-១៩ដល់ស្តង់ដារប្រឆាំងជំងឺកូវីដ១៩នៃរដ្ឋបាលបើកបវេសនកាលទាំងអស់  ឯសាកលវិទ្យល័យនានាដូចជាសាកលវិទ្យល័យយូណានបានបើកបវេសនកាលដោយបែងចែកជាច្រើនលើកតាមពេលខុសៗគ្នា៕

អ្នកបកប្រែ៖ លីហ្សា