ថ្ងៃទី ២៥ ខែឧសភា ពេលផ្តល់បទសម្ភាសន៍ជាមួយប្រព័ន្ធសារព័ត៌មានលើកទី ២ នៅ”ច្រកពិសេសសម្រាប់រដ្ឋមន្រ្តី”ក្នុងកិច្ចប្រជុំលើកទី ៣ នៃសភាតំណាងប្រជាជនទូទាំងប្រទេសចិននិតីកាលទី ១៣ លោកZhong Shanរដ្ឋមន្រ្តីក្រសួងពាណិជ្ជកម្មចិនបានលើកឡើងថា ការលំនឹងស្ថានភាពមូលដ្ឋាននៃពាណិជ្ជកម្មជាមួយបរទេសនិងមូលធនបរទេសគឺមានសារៈសំខាន់ ។ ពាណិជ្ជកម្មជាមួយបរទេសនិងមូលធនបរទេសជាខ្លឹមសារសំខាន់នៃកំណែទម្រង់ ហើយក៏ជាសមិទ្ធផលសំខាន់នៃកំណែទម្រង់ផងដែរ ។
លោកZhong Shanបានធ្វើការវិភាគលើការងារសំខាន់ៗនៃការលំនឹងមូលដ្ឋាននៃពាណិជ្ជកម្មជាមួយបរទេសនិងមូលធនបរទេសនាពេលបច្ចុប្បន្ន ទី១ បង្កើនបរិមាណមូលធនបរទេស ពង្រីកថែមទៀតនូវការបើកចំហចំពោះក្រៅប្រទេស បន្ធូរបន្ថយការអនុញ្ញាតឱ្យមូលធនបរទេសឱ្យចូលទីផ្សារចិន កាត់បន្ថយក្នុងកម្រិតធំនូវបញ្ជីអវិជ្ជមាននៃការអនុញ្ញាតឱ្យមូលធនបរទេសចូលទីផ្សារចិន ។ បង្កើតវេទិកាបើកចំហចំពោះក្រៅប្រទេសដែលប្រកបដោយគុណភាពកាន់តែខ្ពស់ ជាពិសេសគឺកសាងឱ្យបានល្អនូវតំបន់ពិសោធន៍ផ្នែកពាណិជ្ជកម្មសេរី និងកំពង់ផែពាណិជ្ជកម្មសេរី ដើម្បីទាក់ទាញវិនិយោគិនបរទេសកាន់តែច្រើនឱ្យមកធ្វើវិនិយោគនៅប្រទេសចិន ។ ទី ២ លំនឹងបរិមាណមូលធនបរទេស អនុវត្ត«ច្បាប់វិនិយោគនៃមូលធនបរទេស» បង្កើតបរិយាកាសប្រកបអាជីវកម្មដែលប្រកបដោយយុត្តិធម៌ និងមានតម្លាភាព ការពារសិទ្ធិនិងផលប្រយោជន៍របស់ពាណិជ្ជករបរទេស និងកម្មសិទ្ធិបញ្ញា ៕
អ្នកបកប្រែ：Zhai Qianqian