ទាក់ទិននឹងរឿងដែលតុលាការកាណាដានឹងប្រកាសពីសាលក្រមក្នុងសំណុំរឿងពាក់ព័ន្ធលោកស្រីMeng Wanzhou នៅថ្ងៃពុធសប្តាហ៍នេះ លោកZhao Lijian អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំនៃក្រសួងការបរទេសចិនដែលបានបើកធ្វើកាលពីថ្ងៃទី ២៦ ខែឧសភា ថា ប្រទេសចិនមានគោលជំហរមិនកែប្រែ និងច្បាស់លាស់ក្នុងរឿងពាក់ព័ន្ធនឹងលោកស្រីMeng Wanzhou ។ ប្រទេសអាមេរិកនិងកាណាដាបានប្រើប្រាស់ខុសទំនងនូវសន្ធិសញ្ញាធ្វើបត្យាប័នទ្វេភាគី ដោយចាត់វិធានការបង្ខាំងពលរដ្ឋចិន ដែលបានរំលោភយ៉ាងធ្ងន់ធ្ងរទៅលើសិទ្ធិនិងផលប្រយោជន៍ស្របច្បាប់របស់ពលរដ្ឋចិន រឿងនេះជារឿងនយោបាយដ៏ធ្ងន់ធ្ងរមួយលើក ។
លោក Zhao Lijian បានថ្លែងថា ការប្តេជ្ញាចិត្តរបស់រដ្ឋាភិបាលចិនក្នុងការគាំពារសិទ្ធិនិងផលប្រយោជន៍ដ៏ត្រឹមត្រូវនិងស្របច្បាប់របស់ពលរដ្ឋចិនគឺមិនងាករេជាដាច់ខាត ។ ភាគីកាណាដាគួរកែតម្រូវកំហុសរបស់ខ្លួន ហើយដោះលែងលោកស្រី Meng Wanzhou ភ្លាម ព្រមនិងធានាឱ្យលោកស្រីអាចវិលត្រឡប់មកប្រទេសចិនវិញប្រកបដោយសុវត្ថិភាព ដើម្បីចៀសវាងទំនាក់ទំនងរវាងប្រទេសចិននិងកាណាដារងការបំផ្លិចបំផ្លាញ ៕
អ្នកបកប្រែ：Zhai Qianqian