ថ្ងៃទី ៧ ខែមិថុនា ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានចេញផ្សាយ«សៀវភៅសស្តីពីសកម្មភាពប្រយុទ្ធប្រឆាំងនឹងជំងឺកូវីដ ១៩ នៃប្រទេសចិន» ។ ក្រោមបរិបទដែលជំងឺកូវីដ១៩នៅតែរីករាលដាលជាបន្តបន្ទាប់នៅលើពិភពលោក សហគមន៍អន្តរជាតិប្រឈមនឹងភាពលំបាកនិងការសាកល្បងកាន់តែធ្ងន់ធ្ងរឡើង ប្រទេសចិនបានចេញផ្សាយសៀវភៅស ក្នុងន័យចែករំលែកវិធីសាស្ត្រដ៏មានប្រសិទ្ធភាពរបស់ប្រទេសចិនក្នុងការបង្ការនិងគ្រប់គ្រងជំងឺឆ្លង ក៏ដូចជាការព្យាបាលជំងឺ ព្រមទាំងបង្ហាញពីជំនឿចិត្តនិងកម្លាំងកាយសម្រាប់ការសាមគ្គីគ្នាកិច្ចសហប្រតិបតិ្តការនិងយកឈ្នះលើជំងឺឆ្លង ដូច្នេះ សៀវភៅសនេះមានសារៈសំខាន់ណាស់ក្នុងការយកឈ្នះលើការប្រយុទ្ធប្រឆាំងនឹងជំងឺឆ្លងនៅលើពិភពលោកទាំងមូល ។
សៀវភៅសបានបង្ហាញថា គិតរហូតដល់ម៉ោង២៤ ថ្ងៃទី ៣១ ខែឧសភា នៅតំបន់ចិនដីគោកទាំងមូលបានរកឃើញករណីឆ្លងជំងឺកូវីដ១៩ ចំនួន៨៣០១៧នាក់ អត្រាព្យាលជាសះស្បើយក្នុងចិនដីគោកគឺ៩៤,៣ភាគរយ ។ រីឯថ្លៃព្យាបាលរោគ គិតរហូតដល់ថ្ងៃទី ៣១ ខេត្ត ឧសភា ការចំណាយលើការព្យាបាលអ្នកជំងឺនៅមនី្ទរពេទ្យនៅទូទាំងប្រទេសចិន សរុបគឺ១ពាន់៣រយ៥០លានយាន់ប្រាក់ចិន ត្រូវរ៉ាប់រងដោយរដ្ឋាភិបាលចិនទាំងអស់ ។
ខណៈពេលស្ថានការណ៍បង្ការនិងគ្រប់គ្រងជំងឺឆ្លងនៃប្រទេសចិនមានភាពវិជ្ជមាននិងមានភាពធូរស្រាលជាសន្សឹមៗ នៅតំបន់ជាច្រើននៅលើពិភពលោកបានផ្ទុះករណីជំងឺឆ្លង ព្រមទាំងមាននិន្នាការរីករាលដាល ។ ក្នុងគ្រាដ៏លំបាកនេះ ប្រទេសចិនបានផ្តល់ជំនួយឧបត្ថម្ភដល់បណ្តាប្រទេសនានាលើពិភពលោក ។ សៀវភៅសបានបង្ហាញឱ្យដឹងថា គិតរហូតដល់ថ្ងៃទី៣១ខែឧសភា ប្រទេសចិនបានចាត់បញ្ជូនក្រុមអ្នកជំនាញវេជ្ជសាស្រ្តសរុប២៩ក្រុមទៅកាន់២៧ប្រទេស បាននិងកំពុងផ្តល់ជំនួយឧបត្ថម្ភសម្រាប់ទប់ទល់នឹងជំងឺឆ្លងទៅកាន់១៥០ប្រទេសនិងអង្គការអន្តរជាតិចំនួន៤ ។ ប្រទេសចិនបាននាំចេញសម្ភារៈទប់ទល់នឹងជំងឺឆ្លងទៅកាន់ប្រទេសនិងតំបន់ចំនួន២០០ ក្នុងនោះ បូករួមទាំងម៉ាស់៧ម៉ឺន៦រយលានម៉ាស់ សំលៀកបំពាក់ការពារ៣៤០លានឈុត វ៉ែនតាការពារភ្នែកចំនួន១១៥លាន ម៉ាស៊ីជួយដកដង្ហើមចំនួន៩ម៉ឺន៦ពាន់៧០០គ្រឿង ឧបកេណ៍ធ្វើតេស្តរកវីរុស២២៥លាននិងម៉ាស៊ីវាស់សីតុណ្ហភាពរាងកាយតាមអ៊ីនហ្រ្វារ៉េដ៤០លាន២សែន៩ម៉ឺនគ្រឿង។ប្រទេសចិនបានផ្តល់ជំនួយជាទឹកប្រាក់៥០លានដុល្លារអាមេរិកដល់អង្គការសុខភាពពិភពលោក ព្រមទាំងបានបរិច្ចាគប្រាក់និងសម្ភារៈទៅកាន់អង្គការអន្តរជាតិ ដូចជាសហព័ន្ធវ៉ាក់សាំងពិភពលោកទាំងមូលជាដើម។ប្រទេសចិនបានសន្យាថា បន្ទាប់ពីសម្រេចការសិក្សាស្រាវជ្រាវនិងការធ្វើតេស្តលើមនុស្ស វ៉ាក់សាំងប្រទេសចិនងក្លាយជាផលិតផលសាធារណៈជាសកល ។
ការជោគជ័យជាដំណាក់កាលរបស់ប្រទេសចិនក្នុងការប្រយុទ្ធប្រឆាំងនឹងជំងឺឆ្លង បានបង្កើតលក្ខណៈសម្បតិ្តអនុគ្រោះសម្រាប់ឱ្យប្រទេសចិនស្តារផលិតកម្មឡើងវិញ ។ គិតរហូតដលចុងខែមេសា អត្រាស្តារផលិតកម្មឡើងវិញនៃសហគ្រាសដែលមានទ្រង់ទ្រាយធំបង្គួរបានលើសពី៩៩ភាគរយ អត្រាស្តារផលិតកម្មឡើងវិញនៃសហគ្រាសមីក្រូ តូចនិងមធ្យមគឺ ៨៨,៤ភាគរយ ហើយអត្រាសាងសង់ឡើងវិញនៃគម្រោងស្ថាបនាសំខាន់ៗបានលើសពី៩៥ភាគរយ ។ សេដ្ឋកិច្ចចិនបានត្រឡប់ទៅកាន់ភាពប្រក្រតីឡើងវិញក្នុងពេលឆាប់ៗ សេដ្ឋកិច្ចចិនបាននិងកំពុងបញ្ចេញភាពរស់រវើកយ៉ាងឆាប់រហ័ស ប្រការទាំងនេះក៏បានបញ្ជាក់ថែមមួយកម្រិតទៀតថា វិធានការបង្ការនិងគ្រប់គ្រងជំងឺឆ្លងរបស់ចិនគឺត្រឹមត្រូវនិងប្រកបដោយវិទ្យាសាស្ត្រ ។
ដោយទទួលបានការចាប់អារណម្មណ៍ខ្ពស់ពីសំណាក់ប្រព័ន្ធសារព័ត៌មាននិងមជ្ឈដ្ឋានមតិអន្តរជាតិ បានជាដំណើរធ្វើការប្រយុទ្ធប្រឆាំងនឹងជំងឺឆ្លងនៃប្រទេសចិនបានបើកចំហនិងមានតម្លាភាពចំពោះពិភពលោក ហាក់ដូចជាការផ្សាយផ្ទាល់ចំពោះប្រព័ន្ធរបស់ចិនទៅកាន់ពិភពលោក ។ ប្រឈមនឹងការចោទជាមន្ទិលសង្ស័យនិងការរិះគន់ពីមជ្ឈដ្ឋានខាងក្រៅ «សៀវភៅសស្តីពីសកម្មភាពប្រយុទ្ធប្រឆាំងនឹងជំងឺកូវីដ ១៩ នៃប្រទេសចិន»បានផ្តល់ចម្លើយដែលប្រកបដោយជំនឿចិត្តនិងភាពស្មោះត្រង់ ៕
អ្នកបកប្រែ:Zhen Lei