ទាក់ទិននឹងករណីឆ្លងជំងឺកូវីដ១៩ជាចង្កោមនៅក្រុងប៉េកាំង គណៈកម្មាធិការសុខាភិបាលជាតិចិនបានណែនាំជាបន្ទាន់ឱ្យក្រុងប៉េកាំងធ្វើការងារបង្ការនិងគ្រប់គ្រងឱ្យបានល្អដែលទាមទារឱ្យធ្វើការងារពីរផ្នែកគឺការបង្ការនិងព្យាបាល ដើម្បីទប់ស្កាត់ការរីករាលដាលនៃជំងឺឆ្លងតាមរយៈវិធានការដ៏ដាច់ខាតនិងមានប្រសិទ្ធភាព។
អ្នកយកព័ត៌មានបានដំណឹងពីគណៈកម្មាធិការសុខាភិបាលជាតិចិនឱ្យដឹងថា ចាប់ពីថ្ងៃទី ១១ខែមិថុនាមក លោកMaXiaoweiប្រធានគណៈកម្មាធិការសុខាភិបាលជាតិចិនបានធ្វើអធិបតីក្នុងសន្និសីទពិសេសជាច្រើនលើកដើម្បីស្រាវជ្រាវនិងចាត់ចែងការងារបង្ការនិងគ្រប់គ្រងការឆ្លងជំងឺកូវីដ១៩ ជាចង្កោមនៅក្រុងប៉េកាំង។
គណៈកម្មាធិការសុខាភិបាលជាតិចិនបានចាត់បញ្ជូនក្រុមអ្នកជំនាញវេជ្ជសាស្រ្តទៅកាន់ក្រុងប៉េកាំងដើម្បីណែនាំការងារបង្ការនិងគ្រប់គ្រងជំងឺឆ្លង ស្របពេលជាមួយគ្នាក៏បានចាត់បញ្ជូនអ្នកជំនាញការផ្នែកបង្ការនិងគ្រប់គ្រងជំងឺដែលមានបទពិសោធន៍ការងារនៅក្រុងវូហានគឺអ្នកជំនាញការស្រាវជ្រាវជំងឺរាតត្បាតនិងសម្លាប់មេរោគក្នុងបរិស្ថានជាដើមឱ្យចូលរួមការងារពាក់ព័ន្ធនៅក្រុងប៉េកាំង។
អ្នកបកប្រែ:Ma Xiaoqing