លោកWu Zunyou អ្នកជំនាញផ្នែកជំងឺរាតត្បាតដ៏ល្បីឈ្មោះនៃប្រទេសចិនថ្លែងថា ចំនួនអ្នកឆ្លងជំងឺកូវីដ ១៩ នៅទីក្រុងប៉េកាំងក្នុងរយៈពេល ៣ ថ្ងៃខាងមុខ នឹងបញ្ជាក់ពីនិន្នាការវិវឌ្ឍនៃការរីករាលដាលនៃជំងឺឆ្លងនេះ
លោក Wu Zunyou អ្នកជំនាញផ្នែកជំងឺរាតត្បាតនៃមជ្ឈមណ្ឌលបង្ការនិងគ្រប់គ្រងជំងឺឆ្លងនៃប្រទេសចិនបានផ្តល់បទសម្ភាសន៍ជាមួយអ្នកយកព័ត៌មាននៃស្ថានីយទូរទស្សន៍CCTV ចិនកាលពីយប់ថ្ងៃទី ១៥ ខែមិថុនាដោយបញ្ជាក់ថា ការផ្ទុះជំងឺកូវីដ១៩ នៅផ្សារXinfadi ក្រុងប៉េកាំងលើកនេះ ប្រហែលមកពីមូលហេតុចំនួន ២ ពោលគឺទី១ ប្រហែលនាំចូលតាមរយៈសម្ភារៈដែលមានផ្ទុកវីរុស ។ ទី២ គឺប្រហែលចម្លងតាមមនុស្សដែលមានផ្ទុកវីរុស។
លោក Wu Zunyou បានបញ្ជាក់ថា ក្រោមបរិបទដែលទីក្រុងប៉េកាំងមិនបានរកឃើញករណីឆ្លងជំងឺកូវីដ១៩ ថ្មីៗក្នុងរយៈពេលជិត ២ ខែមកហើយនោះ សា្រប់តែផ្ទុះករណីឆ្លងជំងឺកូវីត១៩ឡើងវិញ ជំងឺឆ្លងនេះគឺប្រហែលនាំពីក្រៅប្រទេសឬតំបន់ក្រៅទៅដល់ក្រុង ប៉េកាំង ។ លោកបានថ្លែងថា បន្ទាប់ពីការប្រៀបធៀបគ្នារវាងប្រភេទវីវុសកូវីដ ១៩ ដែលបានរីករាលដាលក្នុងប្រទេសចិននិងរីករាលដាលនៅតំបន់នានាលើពិភពលោក បានរកឃើញថា វីរុសនេះប្រហែលជាប្រភេទវីរុសកូវីដ ១៩ ដែលបានរីករាលដាលនៅអឺរ៉ុប ប៉ុន្តែមិនអាចបញ្ជាក់ថាមកពីប្រទេសណាឡើយ ។
លោក Wu Zunyou បានថ្លែងថា ចំនួនអ្នកឆ្លងជំងឺកូវីដ ១៩ នៅទីក្រុងប៉េកាំងក្នុង រយៈពេល ៣ ថ្ងៃខាងមុខ នឹងបញ្ជាក់ពីនិន្នាការវិវឌ្ឍនែការរីករាលដាលនៃជំងឺឆ្លងនេះ ។ ពីព្រោះបន្ទាប់ពីបានរកឃើញករណីឆ្លងជំងឺកូវីដ ១៩ នៅក្រុងប៉េកាំងកាលពីថ្ងៃទី ១១ ខែមិថុនាមក ក្រុងប៉េកាំងបានចាត់វិធានការទប់ទល់ជាបន្ទាន់កាលពីថ្ងៃទី ១២ និង ១៣ ខែមិថុនា ។ វិធានការទាំងនេះគឺទាន់ហេតុការណ៍និងមានប្រសិទ្ធភាព ។ បើសិនករណីឆ្លងជំងឺថ្មីនៅថ្ងៃទី ១៦ និង ១៧ ខែមិថុនាមិនកើនឡើងខ្លាំង នោះអាចបញ្ធាក់ថា ការរីករាលដាលនៃជំងឺកូវីដ១៩ នៅក្រុងប៉េកាំងលើកនេះត្រូវបានគ្រប់គ្រងជាទូទៅហើយ ។
អ្នកបកប្រែ：Li Qingli