ឥស្សរជននៃប្រទេសអាហ្វ្រិកជាច្រើនបានវាយតម្លៃខ្ពស់ចំពោះសុន្ទរកថារបស់លោកស៊ីជីនភីង ប្រធានរដ្ឋចិនក្នុងសន្និសីទកំពូលពិសេសស្តីពីការរួមសាមគ្គីគ្នាធ្វើការប្រយុទ្ធប្រឆាំងនឹងជំងឺឆ្លងរវាងប្រទេសចិននិងអាហ្វ្រិក ដោយបានថ្លែងថា សន្និសីទកំពូលពិសេសស្តីពីការរួមសាមគ្គីគ្នាធ្វើការប្រយុទ្ធប្រឆាំងនឹងជំងឺឆ្លងរវាងប្រទេសចិននិងអាហ្វ្រិកបានបើកធ្វើដោយជោគជ័យក្នុងខណៈពេលដ៏សំខាន់នៃការប្រយុទ្ធប្រឆាំងនឹងជំងឺកូវីដ ១៩ លើពិភពលោក បានបង្ហាញពីការប្តេជ្ញាចិត្តយ៉ាងមុតមាំរបស់ភាគីទាំងពីរក្នុងការពួតដៃគ្នាប្រយុទ្ធប្រឆាំងនឹងជំងឺឆ្លង បានបំពេញបន្ថែមកម្លាំងចលករយ៉ាងខ្លាំងដល់សហគមន៍អន្តរជាតិក្នុងការបង្កើនកិច្ចសហប្រតិបត្តិការដើម្បីយកឈ្នះលើជំងឺឆ្លង ។
រដ្ឋមន្ត្រីក្រសួងសុខាភិបាលនិងសកម្មភាពសាធារណៈនៃប្រទេសសេណេហ្គាល់បានថ្លែងថា លោកស៊ីជីនភីងបានស្តាប់និងគោរពសំឡេងរបស់អាហ្វ្រិក ព្រមទាំងផ្តួចផ្តើមគំនិតឱ្យរួមសាមគ្គីគ្នា ប្រទេសចិននិងអាហ្វិ្រកគួរតែពួតដៃគ្នាបង្កើនកិច្ចសហប្រតិបត្តិការដោយឈរលើមូលដ្ឋានគោរពគ្នានិងផ្តល់ផលប្រយោជន៍ដល់គ្នាទៅវិញទៅមក ។
ឥស្សរជននៃប្រទេសអាហ្វ្រិកជាច្រើនបានថ្លែងថា ការប្រយុទ្ធប្រឆាំងនឹងជំងឺកូវីដ ១៩ បានធ្វើឱ្យទំនាក់ទំនងរវាងអាហ្វ្រិកនិងចិនមានភាពកាន់តែជិតស្និទ្ធ ។ ភាគីអាហ្វ្រិកនឹងបន្តខិតខំប្រឹងប្រែងដើម្បីជំរុញឱ្យទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយរវាងអាហ្វ្រិកនិងចិនវិវឌ្ឍន៍ទៅមុខថែមទៀត ៕
អ្នកបកប្រែ：Li Qingli