កិច្ចប្រជុំកំពូលអាស៊ានលើកទី៣៦នឹងធ្វើឡើងតាមប្រព័ន្ធវីដេអូ

2020-06-22 18:23:59 |ប្រភព:CRI

កាលពី​ថ្ងៃទី២១​ខែមិថុនា​ ប្រទេស​វៀតណាម​ដែលជា​ប្រធាន​ផ្លាស់វេន​នៃ​សមាគម​អាស៊ាន​បាន​ប្រកាសថា ​កិច្ចប្រជុំ​កំពូល​អាស៊ានលើក​ទី៣៦នឹង​ធ្វើឡើងតាម​​ប្រព័ន្ធ​វីដេអូ​នៅថ្ងៃទី​២៦ខែមិថុនា​ខាងមុខនេះ ។

ក្នុងនាមជា​ប្រធាន​ផ្លាស់វេន​​អាស៊ាន​ឆ្នាំ២០២០ ​លោក ​Nguyen ​Xuan ​Phuc​ នាយករដ្ឋមន្ត្រី​វៀតណាម​នឹងធ្វើជា​អធិបតី​ក្នុង​ពិធី​បើក ​កិច្ចប្រជុំ​ពេញអង្គ​និងកិច្ចប្រជុំ​ពិសេស​ស្តីពី​ការផ្តល់​សិទ្ធិដល់ស្ត្រី​ក្នុងយុគសម័យ​ឌីជីថល​ជាដើមនៃ​កិច្ចប្រជុំ​កំពូល​លើកនេះ​ ។ ​កិច្ចប្រជុំ​ពាក់ព័ន្ធ​មួយចំនួន​ដូចជា ​កិច្ចប្រជុំ​ថ្នាក់រដ្ឋមន្ត្រី​នៃកិច្ចព្រមព្រៀង​ទំនាក់ទំនង​ភាពជាដៃគូ​​សេដ្ឋកិច្ច​គ្រប់ជ្រុង​ជ្រោយក្នុង​តំបន់​(RCEP)​និង​កិច្ចប្រជុំ​ក្រៅផ្លូវការ​របស់​រដ្ឋមន្ត្រី​ការបរទេស​នៃប្រទេស​អាស៊ាន​នឹងធ្វើឡើងពី​ថ្ងៃទី២២​ដល់ថ្ងៃទី២៤​ខែមិថុនា​នេះ ។

 

អ្នកបកប្រែ:Sun Lingling