ថ្ងៃទី ៣០ ខែមិថុនា លោក ស៊ី ជីនភីង អគ្គលេខាធិការនៃគណៈកម្មាធិការមជ្ឈិមបក្សកម្មុយនិស្តចិនបានធ្វើជាអធិបតីនៃកិច្ចប្រជុំគណៈកម្មាធិការមជ្ឈិមបក្សទទួលបន្ទុកជំរុញកំណែទម្រង់ឱ្យកាន់តែស៊ីជម្រៅលើកទី ១៤ ។ លោកបានសង្កត់ធ្ងន់ថា ប្រទេសចិនត្រូវពឹងផ្អែកលើការធ្វើកំណែទម្រង់ ដើម្បីឆ្លើយតបនឹងការប្រែប្រួលនៃស្ថានការណ៍ និងបង្កើតនិម្មាបនកម្មថ្មី ត្រូវផ្តោតសំខាន់លើសមិទ្ធផលជាក់ស្តែងនៃកំណែទម្រង់ បន្តធ្វើកំណែទម្រង់ដើម្បីអភិវឌ្ឍសេដ្ឋកិច្ចនិងសង្គមកិច្ចជាតិ។
កិច្ចប្រជុំបានពិនិត្យពិភាក្សានិងអនុម័តឯកសារមួយចំនួនបូករួមទាំង «ផែនការបីឆ្នាំនៃកំណែទម្រង់សហគ្រាសរដ្ឋ(2020-2022)»។
កិច្ចប្រជុំបានបញ្ជាក់ថា ត្រូវបន្តលើកកម្ពស់គុណភាពនៃការឌីជីថលភាវូបនីយកម្ម អ៊ីនធើណេតភាវូបនីយកម្ម និងភាពវៃឆ្លាតលើវិស័យឧស្សាហកម្មផលិតកម្ម ត្រូវបន្តបង្ការនិងប្រយុទ្ធប្រឆាំងនឹងជំងឺកូវីដ19 កុំឱ្យផ្ទុះរីករាលដាលឡើងវិញ ក៏ដូចជារៀបចំចាត់ចែងនូវការងារធ្វើកំណែទម្រង់ក្នុងវិស័យកសិកម្ម ជនបទ អប់រំ និងវប្បធម៌ជាដើម៕
អ្នកបកប្រែ:Deng Qian