កាលពីថ្ងៃទី ៣ ខែកក្កដា លោកស៊ីជីនភីង អគ្គលេខាធិការគណៈកម្មាធិការមជ្ឈិមបក្សកុម្មុយនិស្តចិន និងជាប្រធានរដ្ឋចិនបានផ្តាំផ្ញើសារផ្ទាល់មាត់ទៅកាន់សម្តេចហ៊ុនសែន ប្រធានបក្សប្រជាជនកម្ពុជា និងជានាយករដ្ឋមន្ត្រីកម្ពុជាថា សម្តេចបានអញ្ជើញមកបំពេញទស្សនកិច្ចនៅពេលដែលប្រទេសចិនមានសភាពរីករាលដាលជំងឺកូវីដ១៩ដ៏ធ្ងន់ធ្ងរ បានបន្សល់ទុកចំណាប់អារម្មណ៍ដ៏ជ្រាលជ្រៅដល់បក្ស រដ្ឋាភិបាល ប្រជាជនចិន ព្រមនិងខ្ញុំផ្ទាល់ ។
លោកស៊ីជីនភីងបានថ្លែងថា ប្រទេសចិននិងកម្ពុជាជាប្រទេសជិតខាងល្អនិងដៃគូល្អដែលជួយយកអាសារគ្នាទៅវិញទៅមក ។ បន្ទាប់ពីផ្ទុះជំងឺកូវីដ១៩ ចិននិងកម្ពុជាបានគាំទ្រគ្នានិងសហប្រតិបត្តិការយ៉ាងជិតស្និទ្ធ រួមកម្លាំងគ្នាប្រយុទ្ធប្រឆាំងនឹងជំងឺកូវីដ១៩ព្រមទាំងបានទទួលសមិទ្ធផលជាដំណាក់កាលដ៏សំខាន់ ដែលបានបង្ហាញពីភាពរឹងមាំនៃសហគមន៍រួមវាសនាចិននិងកម្ពុជាដោយប្រតិបត្តិការជាក់ស្តែង ។ លោករីករាយខិតខំជាមួយសម្តេចហ៊ុនសែន បង្កើនការណែនាំខាងនយោបាយចំពោះទំនាក់ទំនងរវាងបក្សនិងប្រទេសទាំងពីរ ធ្វើឱ្យការផ្លាស់ប្តូរនិងកិច្ចសហប្រតិបត្តិការខាងវិស័យបក្សនិងវិស័យនានាឱ្យបានស៊ីជម្រៅ ជំរុញការកសាងសហគមន៍រួមវាសនាចិននិងកម្ពុជា ដើម្បីអំណោយផលដល់ប្រទេសនិងប្រជាជននៃប្រទេសទាំងពីរ ។
នៅពេលមុននេះ ក្នុងឱកាសខួប ៩៩ ឆ្នាំនៃការបង្កើតបក្សកុម្មុយនិស្តចិន សម្តេចហ៊ុនសែនបានផ្ញើសារលិខិតជូនលោកស៊ីជីនភីងថា កម្ពុជានិងចិនបានបង្កើតចំណងមិត្តភាពដ៏រឹងមាំ ទំនាក់ទំនងរវាងបក្សប្រជាជនកម្ពុជានិងបក្សកុម្មុយនិស្តចិនកាន់តែស៊ីជម្រៅឥតឈប់ឈរ ហើយផ្តល់ការគាំទ្រគ្នាដ៏ម៉ឺងម៉ាត់ក្នុងបញ្ហាពាក់ព័ន្ធនឹងផលប្រយោជន៍ស្នូលរៀងៗខ្លួន ។ បន្ទាប់ពីផ្ទុះជំងឺកូវីដ១៩មក ប្រទេសចិនបានដើរតួនាទីជាគំរូក្នុងវិស័យការប្រយុទ្ធប្រឆាំងនឹងជំងឺកូវីដ១៩ និងទប់ទល់នឹងផលប៉ះពាល់អន្តរជាតិនៃជំងឺឆ្លង ៕
អ្នកបកប្រែ:Xu Xiaoxia