សន្និសីទថ្នាក់រដ្ឋមន្រ្តីលើកទី៩នៃវេទិកាសហប្រតិបត្តិការរវាងប្រទេសចិននិងប្រទេសអារ៉ាប់បានបើកធ្វើតាមប្រព័ន្ធវីដេអូ conferenceកាលពីថ្ងៃទី៦ខែកក្កដា។លោកស៊ីជីនភីងប្រធានរដ្ឋចិនបានផ្ញើសារជូនពរចំពោះការបើកធ្វើសន្និសីទនេះ។
លោកស៊ីជីនភីងបានគូសបញ្ជាក់ថា កាលពីឆ្នាំ២០១៨ លោកបានប្រកាសបង្កើតទំនាក់ទំនងភាពជាដៃគូយុទ្ធសាស្រ្តរវាងចិននិងអារ៉ាប់ក្នុងពិធីបើកធ្វើសន្និសីទថ្នាក់រដ្ឋមន្រ្តីលើកទី៨នៃវេទិកាសហប្រតិបត្តិការរវាងប្រទេសចិននិងប្រទេសអារ៉ាប់ និងបានផ្តួចផ្តើមឱ្យកសាងសហគមន៍រួមវាសនាចិននិងអារ៉ាប់ដើម្បីរួមគ្នាជំរុញការកសាងសហគមន៍រួមវាសនានៃមនុស្សជាតិ ដែលទទួលបានការឆ្លើយតបយ៉ាងសកម្មពីប្រទេសអារ៉ាប់។ពីរឆ្នាំកន្លងទៅនេះ ភាគីទាំងពីរចិននិងអារ៉ាប់បានបង្កើនការសម្របសម្រួលជាយុទ្ធសាស្រ្តនិងការតភ្ជាប់សកម្មភាពជាមួយគ្នា ទំនាក់ទំនងភាពជាដៃគូយុទ្ធសាស្រ្តរវាងចិននិងអារ៉ាប់ត្រូវបានពង្រឹងថែមទៀត។
លោកស៊ីជីនភីងរំពឹងថាភាគីទាំងពីរនឹងចាត់ទុកឱកាសនៃការបើកធ្វើសន្និសីទលើកនេះជាកាលានុវត្តភាពដើម្បីបង្កើនការផ្លាស់ប្តូរជាយុទ្ធសាស្រ្តនិងជំរុញកិច្ចសហប្រតិបត្តិការលើគ្រប់វិស័យក្នុងនោះបូករួមទាំងការទប់ស្កាប់ជំងឺឆ្លងជាដើមក្នុងន័យជំរុញកិច្ចកសាងសហគមន៍រួមវាសនារវាងចិននិងអារ៉ាប់តែវិវឌ្ឍន៍រីកចម្រើនដោយនឹងនរនិងផ្តល់ផលប្រយោជន៍ដល់ប្រជាជននៃប្រទេសទាំងពីរចិននិងអារ៉ាប់។
អ្នកបកប្រែ:Ma Xiaoqing