#CCFR Comment#បទវិភាគ៖ភាគីអាមេរិកយក “សេចក្តីព្រាងច្បាប់”ដែលពាក់ព័ន្ធនឹងតំបន់ហុងកុងធ្វើជាលេសដើម្បីជ្រៀតជ្រែកកិច្ចការផ្ទៃក្នុងរបស់ចិនមុខជាឥតប្រយោជន៍នោះទេ
ពេលថ្មីៗកន្លងទៅនេះ ភាគីអាមេរិកមិនអើពើនឹងការតវ៉ាយ៉ាងម៉ឺងម៉ាត់របស់ភាគីចិន ចុះហត្ថលេខាលើអ្វីដែលហៅថា “សេចក្តីព្រាងច្បាប់ស្តីពីស្វ័យភាពនៃតំបន់ហុងកុង”ដែលអនុម័តដោយសភាអាមេរិកទៅជាច្បាប់ ដោយមួលបង្កាច់ក្នុងចេតនាអាក្រក់នូវការតាក់តែងច្បាប់សន្តិសុខជាតិនៅតំបន់ហុងកុង គំរាមកំហែងថា នឹងអនុវត្តការដាក់ទណ្ឌកម្មទៅលើភាគីចិន ។ ទង្វើជ្រៀតជ្រែកយ៉ាងកម្រោលនូវកិច្ចការផ្ទៃក្នុងរបស់ចិនបែបនេះ គឺលើ្មសយ៉ាងធ្ងន់ធ្ងរនឹងច្បាប់អន្តរជាតិនិងគោលការណ៍មូលដ្ឋាននៃទំនាក់ទំនងអន្តរជាតិ បង្ហាញថែមទៀតនូវមុខមាត់អាក្រក់របស់អ្នកនយោបាយមួយចំនួនរបស់សហរដ្ឋអាមេរិកដែលប៉ុនប៉ងប្រឆាំងរដ្ឋាភិបាលមជ្ឈិមចិននិងធ្វើឱ្យតំបន់ហុងកុងច្របូកច្របល់ ប្រការនេះត្រូវរងការចោទជាមន្ទិលសង្ស័យជាទូទៅពីសហគមន៍អន្តរជាតិនិងការថ្កោលទោសយ៉ាងខ្លាំងក្លាពីឥស្សរជនយុត្តិធម៌ ។
យោងទៅតាម《សេចក្តីប្រកាសស្តីពីគោលការណ៍ច្បាប់អន្តរជាតិ》ដែលមហាសន្និបាតអង្គការសហប្រជាជាតិបានអនុម័តកាលពីឆ្នាំ១៩៧០ ប្រទេសណាមួយឬក្រុមប្រទេសណាមួយសុទ្ធតែគ្មានសិទ្ធិទៅជ្រៀតជ្រែកកិច្ចការផ្ទៃក្នុងឬកិច្ចការទូតរបស់ប្រទេសដទៃទៀតដោយផ្ទាល់ឬមិនផ្ទាល់តាមមូលហេតុណាក៏ដោយ ។ អ្វីដែលហៅថា “ការដាក់ទណ្ឌកម្ម”របស់អាមេរិកគឺលើ្មសនឹងច្បាប់អន្តរជាតិនិងគោលការណ៍មូលដ្ឋាននៃទំនាក់ទំនងអន្តរជាតិ គ្រាន់តែជាក្រដាសឥតប្រយោជន៍មួយសន្លឹកប៉ុណ្ណោះទេ ។
នៅប្រទេសណាមួយលើពិភពលោក ការតាក់តែងច្បាប់សន្តិសុខជាតិសុទ្ធតែជាអំណាចនីតិប្បញ្ញត្តិជាតិ ប្រទេសចិនតាក់តែងច្បាប់គាំពារសន្តិសុខជាតិ ហេតុអ្វីបានជាសហរដ្ឋអាមេរិកបង្ករឿងហេតុ?
នៅក្នុងកិច្ចប្រជុំលើកទី៤៤នៃក្រុមប្រឹក្សាសិទ្ធិមនុស្សនៃអង្គការសហប្រជាជាតិដែលបើកធ្វើនៅពេលថ្មីៗកន្លងទៅនេះ មានប្រទេសជាង៧០សម្តែងអាកប្បកិរិយាគាំទ្រច្បាប់សន្តិសុខជាតិនៅតំបន់ហុងកុង ដែលបានបង្ហាញថា សច្ចធម៌គឺស្ថិតក្នុងដួងចិត្តរបស់មនុស្ស ។
អ្នកនយោបាយសហរដ្ឋអាមេរិកគួរតែដឹងច្បាស់ថា វិបុលភាពនិងស្ថិរភាពនៅតំបន់ហុងកុងគឺបានមកពីការគាំទ្រយ៉ាងខ្លាំងក្លារបស់ប្រទេសជាតិនិងការខិតខំប្រឹងប្រែងរបស់ប្រជាជន ការដាក់ទណ្ឌកម្មរបស់សហរដ្ឋអាមេរិកមិនអាចប៉ះពាល់ដល់ស្ថានភាពមូលដ្ឋាននៃការអភិវឌ្ឍនៃតំបន់ហុងកុង និងមិនអាចបំភិតបំភ័យប្រជាជនចិន១ពាន់៤រយលាន់នាក់បូករួមទាំងអ្នកក្រុងហុងកុងផង ផ្ទុយទៅវិញ ក៏នឹងធ្វើឱ្យប្រជាជនចិនដឹងច្បាស់ថែមទៀតនូវគោលបំណងអាក្រក់និងការពិតពីអនុត្តរភាពរបស់ភាគីអាមេរិក ហើយមានឆន្ទៈគាំពារច្បាប់សន្តិសុខជាតិនៅតំបន់ហុងកុងកាន់តែមុតមាំ ៕
អ្នកបកប្រែ：Sun Lingling