ថ្ងៃទី ២៤ ខែសីហា ក្នុងកិច្ចប្រជុំកំពូលស្តីពីកិច្ចសហប្រតិបតិ្តការឡានឆាង-មេគង្គលើកទីបី លោកលីខឺឈាង នាយករដ្ឋមន្ត្រីចិនបានលើកឡើងនៅក្រុងប៉េកាំងថា ប្រទេសទាំង៦នៅតាមបណ្តោយទន្លេឡានឆាងនិងមេគង្គជាសហគមន៍រួមវាសនាតែមួយដ៏ពិតប្រាកដ ។ តាំងពីយន្តការកិច្ចសហប្រតិបតិ្តការឡានឆាង-មេគង្គបានបង្កើតឡើងរយៈពេលជាង៤ឆ្នាំមក ពួកយើងបានជំរុញឱ្យកិច្ចសហប្រតិបតិ្តការធនធានទឹកឈានចូលផ្លូវល្បឿនលឿន ។
លោក លីខឺឈាង បានគូសបញ្ជាក់ទៀតថា យើងត្រូវគោរពឱ្យបានពេញលេញនូវសិទ្ធិនិងផលប្រយោជន៍ ស្របច្បាប់របស់បណ្តាប្រទេសនានាលើវិស័យអភិវឌ្ឍន៍ ប្រើប្រាស់ធនធានទឹកដោយសមហេតុសមផល និងគិតពិចារណាដល់ផលប្រយោជន៍និងការយកចិត្តទុកដាក់ដល់គ្នាទៅវិញទៅមក ។ ចាប់ពីឆ្នាំនេះតទៅ ប្រទេសចិននឹងចែករំលែកព័ត៌មានស្តីពីការគ្រប់គ្រងធនធានទឹកទូទាំងឆ្នាំនៃទន្លេឡានឆាងជាមួយប្រទេសតាមបណ្តោយទន្លេមេគង្គ ក្នុងន័យរួមគ្នាបង្កើតវេទិកាចែករំលែកព័ត៌មានលើវិស័យកិច្ចសហប្រតិបតិ្តការធនធានទឹក ដើម្បីទប់ទល់ឱ្យបានល្អនូវបញ្ហាបម្រែបម្រួលអាកាសធាតុ គ្រោះទឹកជំនន់និងគ្រោះរាំងស្ងួត ៕
អ្នកបកប្រែ：Guo Xiangqing