ពិព័រណ៌ពាណិជ្ជកម្មសេវាកម្មអន្តរជាតិចិនផ្តោតសំខាន់លើការស្តារឡើងវិញនូវវិស័យទេសចរណ៍
ការរាតត្បាតនៃជំងឺកូវីដ19 បានធ្វើឱ្យវិស័យទេសចរណ៍ពិភពលោកជាប់គាំងស្ទើរទាំងអស់ ដែលបានប៉ះពាល់ដល់ការងាររបស់មនុស្សជាងរយលាននាក់។
ក្រោមបរិបទនៃការបង្ការការរាលដាលនៃជំងឺឆ្លងជាប្រក្រតី ការជំរុញការស្តារឡើងវិញនៃវិស័យទេសចរណ៍បានក្លាយជាការយកចិត្តទុកដាក់រួមនៃរដ្ឋាភិបាលរបស់បណ្តាប្រទេសនានា ដូចនេះ ពិព័រណ៌ពាណិជ្ជកម្មសេវាកម្មអន្តរជាតិចិនឆ្នាំ 2020 ដែលបានសម្ពោធបើកនៅថ្ងៃទី ៤ ខែកញ្ញានេះ ក៏បានផ្តោតសំខាន់លើការស្តារឡើងវិញនៃវិស័យទេសចរណ៍ពិភពលោកផងដែរ។
សូមបញ្ជាក់ថា ពិព័រណពាណិជ្ជកម្មសេវាកម្មអន្តរជាតិចិនលើកនេះបានរៀបចំពន្លាពិព័រណសម្រាប់វិស័យទេសចរណ៍ជាពិសេស ដែលមានទំហំទៅដល់ 10000 ម៉ែត្រការ៉េ ។ តំណាងសហគ្រាស និងអង្គការអន្តរជាតិពាក់ព័ន្ធនឹងវិស័យទេសចរណ៍ចំនួនជាង 700 ដែលមកពីប្រទេសនិងតំបន់ជាង40 ដូចជា អាល្លឺម៉ង់ រុស្ស៊ី ប៉ូឡូញ ស្វ៊ីសជាដើម នឹងចូលរួមការដាក់តាំងបង្ហាញនិងធ្វើការចរចាពាណិជ្ជកម្ម។ ហើយតំណាងវិស័យទេសចរណ៍ពិភពលោកក៏នឹងពិភាក្សាគ្នាអំពីប្រធានបទ “ស្តារវិស័យទេសចរណ៍ឡើងវិញ បង្កើតភាពរុងរឿងថ្មី” នឹងប្រកាសនូវ «មគ្គទេសក៍ប្រតិបត្តិស្តីពីការស្តារនិងងើបឡើងវិញនៃទីក្រុងទេសចរណ៍ក្នុងបរិបទជំងឺកូវីដ19»៕
អ្នកបកប្រែ：Deng Qian