អគ្គលេខាធិការនៃ​មជ្ឈមណ្ឌល​ចិន-អាស៊ានថ្លែងថា ​ភាគីទាំងពីរ​ចិន-អាស៊ានអាចស្វែងរកតម្រូវ​ការ​រួម​ពីក្នុង​ការអភិវឌ្ឍ​នៃ​តំបន់

2020-09-07 17:58:14 |ប្រភព:CRI

លោកChenDehaiអគ្គលេខាធិការនៃ​មជ្ឈមណ្ឌល​ចិន-អាស៊ានបានថ្លែង​នៅ​ក្រុង​Xiningខេត្តQinghaiប្រទេសចិន​កាលពីថ្ងៃ​ទី​៦ខែ​កញ្ញាថា ​ជំងឺ​កូវីដ១៩ដែលផ្ទុះឡើងក្នុង​ឆ្នាំ២០២០បាន​ប៉ះពាល់យ៉ាង​ធ្ងន់ធ្ងរ​ដល់​សេដ្ឋកិច្ច​ពិភពលោកទាំងមូល  ​ប្រទេស​ចិន​និង​អាស៊ាន​បាន​គាំទ្រ​គ្នា​និង​ធ្វើ​កិច្ច​សហប្រតិបត្តិការ​គ្នា​ដោយ​អស់​ពី​លទ្ធភាព​ ​ពាណិជ្ជកម្ម​និង​ការ​វិនិយោគ​នៃ​ភាគីទាំងពីរ​បាន​រក្សា​និន្នាការកើនឡើង ​ភាគីទាំងពីរអាចស្វែងរកតម្រូវការ​រួម​ពី​ក្នុង​ការអភិវឌ្ឍ​នៃ​តំបន់។លោកបន្តថា ​ឆ្នាំនេះ​ជា​ឆ្នាំ​សហប្រតិបត្តិការ​ផ្នែកសេដ្ឋកិច្ច​ឌីជីថលចិន-អាស៊ាន។ភាគី​ទាំងពីរ​នឹង​អភិវឌ្ឍ​ចំណុច​កំណើន​ថ្មី​ឱ្យ​កាន់តែ​ច្រើនក្នុង​វិស័យ​ទី​ក្រុង​ឆ្លាតវៃ ​ភាព​ឆ្លាតវៃសិប្បនិមិត្ត ​ទិន្នន័យធំជា​ដើម ​ដើម្បី​ជួយ​បណ្តា​ប្រទេស​ក្នុង​តំបន់​ឱ្យ​ស្តារ​ការ​អភិវឌ្ឍ​សេដ្ឋកិច្ច​​សង្គម​ឡើងវិញ​ដើម្បី​បង្កើត​ឱកាស​ការងារ​កាន់តែ​ច្រើនថែម​ទៀត។

 

អ្នកបកប្រែ:Ma Xiaoqing