ប្រទេសចិនបានបំពាក់គ្រឿឥស្សរិររសដល់ឥស្សរជនដែលបានរួមចំណែកយ៉ាងសំខាន់ក្នុងការប្រយុទ្ធប្រឆាំងការរីករាលដាលនៃជំងឺកូវីដ១៩
ពិធីប្រគល់គ្រឿងឥស្សរិតតសស្តីពីការប្រយុទ្ធប្រឆាំងនឹងជំងឺកូវីដ១៩ទូទាំងប្រទេសចិនបានរៀបចំធ្វើយ៉ាងឱឡារិកនៅវិមានប្រជាជនចិននៅក្រុងប៉េកាំងដើម្បីបំពាក់គ្រឿងឥស្សរិយយសដល់ឥស្សរជនដែលបានរួមចំណែកយ៉ាងខ្លាំងក្នុងការប្រយុទ្ធប្រឆាំងការរីករាលដាលនៃជំងឺកូវីដ១៩ លោក ស៊ី ជីនភីង មេដឹកនាំកំពូលចិនបានបំពាក់គ្រឿងឥស្សរិយយសដល់អ្នកទទួលបានគ្រឿងឥស្សរិយយសថ្នាក់ជាតិនិងគ្រឿងឥស្សរិយយសកិត្តិនាមជាតិ។
គ្រឿងឥស្សរិយយសថ្នាក់ជាតិនិងគ្រឿងឥស្សរិយយសកិត្តិនាមជាតិគឺជាការផ្តល់កិត្តិយសខ្ពង់ខ្ពស់បំផុតរបស់ប្រទេសចិន លោក Zhong Nanshan សមាជិកនៃបណ្ឌិត្យសភាវិស្វកម្មចិននិងជាអ្នកជំនាញល្បីឈ្មោះខាងជំងឺផ្លូវដង្ហើមរបស់ប្រទេសចិនបានលើកឡើងបាតុភាព”មនុស្សចម្លងមនុស្ស” នៃវីរុសកូវីដ១៩ព្រមទាំងដឹកនាំការចងក្រងផែនការព្យាបាលជំងឺកូវីដ១៩ បានរួមវិភាគទានក្នុងការបង្ការនិងទប់ស្កាត់ការរីករាលដាលនៃជំងឺ ទទួលបានគ្រឿងឥស្សរិយយសថ្នាក់ជាតិ រីឯឥស្សរជន៣រូបទៀតបានទទួលគ្រឿងឥស្សរិយយសកិត្តិនាមជាតិមានគោរមងារជា”វីរជនប្រជាជន” គឺលោក Zhang Boli និងលោកស្រី Chen Wei សមាជិកនៃនៃបណ្ឌិត្យសភាវិស្វកម្មចិនដែលបានរួមវិភាគទានដ៏សំខាន់ដោយឡែកពីគ្នាក្នុងការជួយសង្គ្រោះនិងព្យាបាលអ្នកជំងឺព្រមទាំងដំណើរទាំងមូលនៃការប្រើថ្នាំចិនសែសម្រាប់ព្យាបាលជំងឺរលាកសួតបង្កដោយវីរុសកូវីដ១៩និងការស្រាវជ្រាវនិងផលិតវ៉ាក់សាំង និងលោកZhang Dingyu ប្រធានមន្ទីរពេទ្យJinyintanក្រុងវូហានដែលមានជំងឺធ្ងន់ធ្ងរប្រចាំកាយហើយនៅតែខិតខំតស៊ូបំពេញការងារនៅជួរមុខ៕
អ្នកបកប្រែ：Li Zhanjing