សេដ្ឋកិច្ចចិនក្នុងខែសីហាបានរក្សាការស្តារឡើងវិញប្រកបដោយភាពនឹងនរជាបន្តបន្ទាប់ ការប្រែប្រួលដ៏វិជ្ជមានកាន់តែច្រើនឡើងៗ

2020-09-16 17:42:49 |ប្រភព:CRI

ទិន្នន័យ​ស្ថិតិ​ដែលរដ្ឋបាល​ជាតិ​ស្ថិតិចិន​ចេញ​ផ្សាយ​នៅ​ថ្ងៃទី​១៥ ខែ​កញ្ញា​បាន​បង្ហាញ​ឱ្យ​ឃើញ​ថា នៅ​ខែ​សីហា សូចនាករ​សេដ្ឋកិច្ច​សំខាន់​ៗ​របស់​ប្រទេស​ចិន​បាន​បន្តកើន​​ឡើង​វិញ​ជា​បន្ត​បន្ទាប់ កម្លាំង​ចលករ​និង​ភាព​រស់​រវើក​នៃ​ការ​អភិវឌ្ឍ​ត្រូវ​បាន​បង្កើន​ថែម​មួយ​កម្រិត​ទៀត ​សេដ្ឋកិច្ច​ចិន​បាន​រក្សា​ការស្តារ​ឡើង​វិញ​ប្រកប​ដោយ​ភាព​នឹង​នរ​ជា​បន្ត​បន្ទាប់​ ។

លោក Fu Linghui អ្នក​នាំ​ពាក្យ​នៃ​រដ្ឋាបាល​ជាតិ​ស្ថិតិចិន​បាន​ថ្លែង​ថា នៅ​ខែ​សីហា ដំណើរ​សេដ្ឋកិច្ច​បាន​លេចចេញ​ការ​ប្រែ​ប្រួល​ដ៏​វិជ្ជមាន​ជា​ច្រើន​ ។ បើ​មើល​ពីទិន្នន័យ​សំខាន់ៗ​អាច​ឃើញ​ថា ល្បឿន​បង្កើន​សរុប​នៃ​តម្លៃ​បន្ថែម​របស់​សហគ្រាស​ឧស្សាហកម្ម​ធុន​មធ្យម​និង​ធំ​សម្រេច​បាន​នូវ​ការ​ប្រែ​ពីភាព​​អវិជ្ជមាន​ទៅ​ជាភាព​​វិជ្ជមាន​ជា​លើក​ដំបូង​ក្នុង​ឆ្នាំនេះ ល្បឿន​កំណើន​សរុប​នៃ​ការ​នាំ​ចេញ​ទំនិញ​ក៏​​សម្រេច​បាន​នូវ​ការ​ប្រែ​ពីភាព​​អវិជ្ជមាន​ទៅ​ជា​ភាពវិជ្ជមាន​ជា​លើក​ដំបូង​ផង​ដែរ ។

លោក Fu Linghui បាន​បង្ហើប​ឱ្យ​ដឹង​ថា ភាព​រស់​រវើក​នៃ​តួអង្គ​សំខាន់​ៗ​ក្នុង​ទីផ្សារ​បាន​និង​កំពុង​កើន​ឡើង​ ហើយ​ក្រោម​បរិបទ​ដែល​សហគ្រាស​បានផល​​ចំណេញ​កាន់​តែ​ច្រើន​​ឡើង​ ការ​ប៉ាន់​ប្រមាណ​របស់​សហគ្រាស​ទៅលើ​ទីផ្សារ​ក៏ត្រូវ​បាន​​កែលម្អ​ផង​ដែរ ។

ព្រ​មជា​មួយ​គ្នា​នេះ លោក Fu Linghui បាន​ថ្លែង​ទៀត​ថា បច្ចុប្បន្ន​នេះ ការប្រែ​ប្រួល​​សំខាន់នៃ​ដំណើរ​​សេដ្ឋកិច្ច​ចិន​ គឺ​កំណើន​ប្រកប​ដោយ​លក្ខណៈ​ស្តារ​ឡើង​វិញ ប៉ុន្តែ​ ដំណើរ ​សេដ្ឋកិច្ច​នៅ​តែ​ប្រឈម​នឹង​ការ​សាកល្បង​ជា​ច្រើន​ដដែល ។ ដូច​នេះ នៅ​ដំណាក់​កាល​ក្រោយ​ ត្រូវ​អនុវត្ត​ឱ្យ​បាន​ល្អ​នូវ​គោល​នយោបាយ​និង​វិធានការ​ស្តីពី “​លំនឹង​៦​វិស័យ​ ”និង​ “ធានា៦​វិស័យ ” ក្នុង​ន័យ​ជំរុញការស្តារ​​សេដ្ឋកិច្ចឡើង​វិញ​ប្រកបដោយ​ភាព​នឹងនរ ៕

 

អ្នកបកប្រែ:Guo Xiangqing