យប់ថ្ងៃទី២៥ ខែកញ្ញា លោកស៊ីជីនភីងប្រធានរដ្ឋចិនបានជួបសន្ទនាតាមទូរស័ព្ទជាមួយលោកYoshihideSugaនាយករដ្ឋមន្ត្រីជប៉ុន។
លោកស៊ីជីនភីងបានគូសបញ្ជាក់ថា ប្រទេសចិននិងជប៉ុនជាប្រទេសជិតខាងសំខាន់និងជាដៃគូកិច្ចសហប្រតិបត្តិការ ហើយក៏ជាប្រទេសសំខាន់នៅទ្វីបអាស៊ីនិងពិភពលោកផងដែរ ដែលមានផលប្រយោជន៍រួមដ៏យ៉ាងធំធេងនិងចន្លោះសហប្រតិបត្តិការយ៉ាងធំធេង។ក្រោមការខិតខំប្រឹងប្រែងរបស់ភាគីទាំង២ ប៉ុន្មានឆ្នាំចុងក្រោយនេះ ទំនាក់ទំនងរវាងប្រទេសចិននិងជប៉ុនបានវិលត្រឡប់ទៅរកផ្លូវត្រឹមត្រូវវិញព្រមនិងបន្តរក្សានិន្នាការដ៏ល្អប្រសើរ។ភាគីចិនរីករាយរួមជាមួយរដ្ឋាភិបាលថ្មីរបស់ជប៉ុន គោរពគោលការណ៍និងស្មារតីគ្រប់ជ្រុងជ្រោយនៃឯកសារនយោបាយចំនួន៤រវាងប្រទេសចិននិងជប៉ុន ដោះស្រាយដោយសមរម្យនូវបញ្ហារសើបសំខាន់ ដូចជាបញ្ហាប្រវត្តិសាស្ត្រជាដើម បង្កើនការជឿទុកចិត្តផ្នែកនយោបាយទៅវិញទៅមក ធ្វើឱ្យកិច្ចសហប្រតិបត្តិការដែលមានផលប្រយោជន៍ទៅវិញទៅមកកាន់តែស៊ីម្រៅ ពង្រីកការផ្លាស់ប្តូរផ្នែកវប្បធម៌មនុស្សជាតិ ដើម្បីខិតខំកសាងទំនាក់ទំនងរវាងប្រទេសចិននិងជប៉ុនដែលសមស្របនឹងតម្រូវការនៃយុគសម័យថ្មី។
ជាការឆ្លើយតបលោកYoshihideSugaបានថ្លែងថា ភាគីជប៉ុនយកចិត្តទុកដាក់ខ្ពស់ចំពោះប្រទេសចិន ចាត់ទុកទំនាក់ទំនងរវាងជប៉ុននិងប្រទេសចិនជាទំនាក់ទំនងទ្វេភាគីដ៏សំខាន់បំផុត។ខ្ញុំរំពឹងថា អាចបន្តរក្សាការប្រាស្រ័យទាក់ទងយ៉ាងជិតស្និទ្ធជាមួយលោក ខិតខំប្រឹងប្រែងបង្កើនកិច្ចសហប្រតិបត្តិការផ្នែកសេដ្ឋកិច្ចនិងពាណិជ្ជកម្ម ធ្វើឱ្យការផ្លាស់ប្តូរផ្នែកវប្បធម៌មនុស្សជាតិកាន់តែស៊ីជម្រៅ ដើម្បីជំរុញទំនាក់ទំនងរវាងជប៉ុននិងចិនឱ្យឡើងដល់កម្រិតថ្មីថែមទៀត៕
អ្នកបកប្រែ：Liu Yan