អត្រាបញ្ចេញឧស្ម័នកាបូនិកធៀបនឹងផលិតផលក្នុងស្រុកសរុបរបស់ប្រទេសចិននៅឆ្នាំ២០១៩បានធ្លាក់ចុះចំនួន១៨,២%និង៤៨,១%ដោយឡែកពីគ្នា បើប្រៀបធៀបនឹងអត្រាបញ្ចេញឧស្ម័នកាបូនិកនៅឆ្នាំ២០១៥និង២០០៥ ហើយលើសពីគោលដៅដែលបានសន្យាអំពីការកាត់បន្ថយការបញ្ចេញឧស្ម័នកាបូនិកពី៤០%ដល់៤៥% ក្នុងឆ្នាំ២០២០ ដោយបង្វិលស្ថានការណ៍កំណើនយ៉ាងឆាប់រហ័សនៃការបញ្ចេញឧស្ម័នផ្ទះកញ្ចក់ឱ្យមកនៅកម្រិតទាបបង្គួរ។
ថ្ងៃទី២៧ ខែកញ្ញា ក្រសួងអេកូបរិស្ថានប្រទេសចិនបានរៀបចំធ្វើបទបង្ហាញអំពីគោលនយោបាយស្តីពីការទប់ទល់យ៉ាងសកម្មនូវបម្រែបម្រួលអាកាសធាតុ។លោកLiGaoប្រធាននាយកដ្ឋានទប់ទល់នឹងបម្រែបម្រួលអាកាសធាតុនៃក្រសួងអេកូបរិស្ថានចិនបានឧទ្ទេសនាមថា ចាប់ពីការដាក់ចេញផែនការ៥ឆ្នាំទី១២មក ប្រទេសចិនបានរៀបបញ្ចូលការកាត់បន្ថយការបញ្ចេញឧស្ម័នកាបូនិកនៃផលិតផលក្នុងស្រុកសរុបទៅក្នុងផែនការអភិវឌ្ឍន៍៥ឆ្នាំជាសន្ទស្សន៍ជាកំហិត ព្រមនិងចាត់ទុកគោលដៅទូទាំងប្រទេសចិនឱ្យអនុវត្តនិងវាយតម្លៃតាមតំបន់នានា៕
អ្នកបកប្រែ：Liu Yan