ថ្ងៃទី ៧ ខែតុលាឆ្នាំនេះ ជាទិវារំលឹកខួប ៤០ ឆ្នាំនៃការបង្កើតតំបន់សេដ្ឋកិច្ចពិសេសក្រុងXiamenប្រទេសចិន ។ នាថ្ងៃដដែលឆ្នាំ ១៩៨០ ក្រុមប្រឹក្សាកិច្ចការរដ្ឋចិនបានអនុម័តជាផ្លូវការឱ្យបង្កើតតំបន់សេដ្ឋកិច្ចពិសេសលើទឹកដីទំហំ 2.5 គីឡូម៉ែត្រការេនៃសង្កាត់Huliក្រុងXiamen ។ ដូច្នេះ ក្រុងXiamenបានក្លាយជាតំបន់ពិសេសសេដ្ឋកិច្ចមួយក្នុងចំណោមតំបន់សេដ្ឋកិច្ចពិសេស ៤ ដែលបង្កើតឡើងមុនគេនៅប្រទេសចិន ។
នាឆ្នាំ ១៩៨៥ ក្រុមប្រឹក្សាកិច្ចការរដ្ឋចិនបានអនុម័តឱ្យពង្រីកក្របខ័ណ្ឌនៃតំបន់សេដ្ឋកិច្ចពិសេសក្រុងXiamenដល់កោះទាំងមូល ។ កាលពីខែមិថុនាឆ្នាំដដែល លោកស៊ីជីនភីងអញ្ជើញទៅបំពេញការងារនៅក្រុងXiamenពីខេត្តហឺប៉ី ។ លោកស៊ីជីនភីងបានរំលឹកឡើងវិញថា៖ កាលពីឆ្នាំ ១៩៨៥ ខ្ញុំមកធ្វើការនៅក្រុងXiamen កាលនោះមកធ្វើជាអភិបាលក្រុងរង ថ្ងៃនោះចំជាថ្ងៃកំណើតអាយុ ៣២ ឆ្នាំរបស់ខ្ញុំ ។
ក្នុងនាមជាអ្នកដឹកនាំ អ្នកត្រួសត្រាយនិងស្ថាបនិកតំបន់សេដ្ឋកិច្ចពិសេសក្រុងXiamenនៅរយៈកាលដំបូង លោកស៊ីជីនភីងបានជំរុញការអនុវត្តកំណែទម្រង់និងការបើកទូលាយមួយចំនួន៖
លោកបានដឹកនាំការគ្រោងធ្វើយុទ្ធសាស្ត្រអភិវឌ្ឍសង្គមនិងសេដ្ឋកិច្ចក្រុងXiamenពីឆ្នាំ១៩៨៥ -២០០០ បានចូលរូមការបង្កើតក្រុមហ៊ុនអាកាសចរណ៍ក្រុងXiamen បានជំរុញកំណែទម្រង់ពន្ធដារ និងបានជំរុញកំណែទម្រង់ស្ថាប័ន ល។ល
នាខែមិថុនាឆ្នាំ ១៩៨៦ លោកស៊ីជីនភីងធ្លាប់ថ្លែងថា ក្រុងXiamen មានន័យថាខ្លោងទ្វារនៃអគារខ្ពស់ យើងក៏អាចយល់ថា ជាទ្វានៃការបើកទូលាយ សង្ឃឹមថានឹងកសាងទ្វានៃការបើកទូលាយនេះឱ្យបានកាន់តែលឿននិងកាន់តែល្អប្រសើរ ។
កំណែទំ្រង់និងការបើកទូលាយនៃប្រទេសចិនបានដំណើរការជាង ៤០ ឆ្នាំហើយ យើងត្រូវតែប្រកាន់ខ្ជាប់ការមិនផ្លាស់ប្តូរទិសដៅ ដើរលើផ្លូវត្រឹមត្រូវនិងមិនបន្ថយកម្លាំង ដើម្បីជំរុញឱ្យកំណែទម្រង់និងការបើកទូលាយក្នុងយុគសម័យថ្មីកាន់តែនឹងនរនិងវែងឆ្ងាយ ៕
អ្នកបកប្រែ：Kong Siqi