ពេលថ្មីៗកន្លងទៅនេះ ប្រទេសចិនបានចេញផ្សាយ《គម្រោងអនុវត្តនៅតំបន់ពិសោធន៍នៃកំណែទម្រង់ចម្រុះស្តីពីការដែលក្រុងសិនចិននាំមុខកសាងតំបន់គំរូនៃសង្គមនិយមប្រកបដោយលក្ខណៈពិសេសរបស់ចិនឆ្នាំ២០២០-២០២៥》គម្រោងនេះបានផ្តល់សិទ្ធិស្វ័យភាពកាន់តែច្រើនដល់ក្រុងសិនចិនលើវិស័យសំខាន់ៗនិងដំណាក់កាលគន្លឹះ គាំទ្រក្រុងសិនចិនឱ្យជំរុញកំណែទម្រង់និងបើកទូលាយលើចំណុចចាប់ផ្តើមកាន់តែខ្ពស់ ស្រទាប់ជាន់ថ្នាក់កាន់តែខ្ពស់និងគោលដៅកាន់តែខ្ពស់ ក្នុងនោះរួមមានការគាំទ្រសហគ្រាសក្រុងសិនចិនចុះបញ្ជីក្នុងទីផ្សារមូលបត្រនិងបើកសហគ្រាសរួមទុននៅបរទេស និងការតាក់តែងបញ្ជីវិធានការពិសេសសម្រាប់ការពង្រីកការអនុញ្ញាតឱ្យចូលទីផ្សារក្រុងសិនចិនជាដើម ។
គម្រោងនេះបង្ហាញថា ត្រូវបំពេញបន្ថែមបរិយាកាសទីផ្សារប្រកបដោយយុត្តិធម៌និងបើកទូលាយថែមមួយកម្រិតទៀត ។ នៅលើមូលដ្ឋានបញ្ជីអវិជ្ជមានខាងការអនុញ្ញាតឱ្យចូលទីផ្សារឯកភាពរបស់ចិន ការតាក់តែងបញ្ជីវិធានការពិសេសសម្រាប់ការពង្រីកការអនុញ្ញាតឱ្យចូលទីផ្សារក្រុងសិនចិន និងបន្ធូរបន្ថយការដាក់កំហិតក្នុងការអនុញ្ញាតឱ្យចូលទីផ្សារវិស័យថាមពល ទូរគមនាគមន៍ កិច្ចការសាធារណៈ គមនាគមន៍និងដឹកជញ្ជូននិងការអប់រំជាដើម ។
អ្នកបកប្រែ：Sun Lingling