ថ្ងៃទី ២ខែវិច្ឆិកា លោក ស៊ី ជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានធ្វើជាអធិបតីក្នុងសនិ្នសីទនៃគណៈកម្មាធិការជំរុញកំណែទម្រង់ឱ្យស៊ីជម្រៅដោយគ្រប់ជ្រុងជ្រោយនៃមជ្ឈិមបក្សកុម្មុយនិស្តចិន ។
ថ្លែងក្នុងសន្និសីទ លោក ស៊ី ជីនភីង បានលើកឡើងថា ក្នុងរយៈពេល “ផែនការអភិវឌ្ឍជាតិ៥ឆ្នាំទី១៤” ប្រទេសចិននឹងឈានចូលដំណាក់កាលអភិវឌ្ឍន៍ថ្មី កំណែទម្រង់នឹងឈានចូលដំណាក់កាលគន្លឹះថ្មី ។ ដូច្នេះ ត្រូវផ្តោតសំខាន់ទៅលើបញ្ហាលលេចធ្លោ ក្នុងន័យជំរុញកំណែទម្រង់និងការអភិវឌ្ឍឱ្យមានភាពស៊ីសង្វាក់គ្នាយ៉ាងជ្រាលជ្រៅនិងអនុវត្តជាមួយគ្នាប្រកបដោយប្រសិទ្ធភាពខ្ពស់ ។
សន្និសីទលើកនេះបានគូសបញ្ជាក់ថា ត្រូវប្រកាន់ខ្ជាប់ទិសដៅទីផ្សារភាវូបនីយកម្មនិងនីតិកម្ម ត្រួតពិនិត្យនិងគ្រប់គ្រងយ៉ាងតឹងរ៉ឹងចំពោះការដកចេញពីទីផ្សារមូលបត្រនៃក្រុមហ៊ុនក្នុងទីផ្សារមូលបត្រ និងធ្វើឱ្យយន្តការដកចេញជាប្រក្រតីមានភាពល្អពេញលេញ ។ ត្រូវពន្លឿនការធ្វើឱ្យមានសុក្រឹតភាពនូវយន្តការនៃប្រព័ន្ធអនុវត្តច្បាប់ក្នុងទីផ្សារមូលបត្រ ត្រូវបង្កើនការស៊ើបអង្កេតនិងផ្តន្ទាទោសទៅលើសំណុំរឿងល្មើសច្បាប់ធំនិងសំខាន់ ត្រូវបង្កើនកិច្ចសហប្រតិបតិ្តការឆ្លងដែនលើវិស័យត្រួតពិនិត្យនិងអនុវត្តច្បាប់ ត្រូវខិតខំប្រឹងប្រែងបង្កើតប្រព័ន្ធសេវាកម្មអប់រំសាធារណៈជាមូលដ្ឋានដែលមានគុណភាពនិងតុល្យភាព ។ ក្រៅពីនេះ និយាយចំពោះវិធានការកំណែទម្រង់មួយចំនួនដែលកិច្ចប្រជុំពេញអង្គលើកទី៥នៃគណៈកម្មាធិការមជ្ឈិមបក្សកុម្មុយនិស្តចិនអាណត្តិទី១៩ បានលើកឡើងនោះ ត្រូវរៀបចំចាត់ចែងដោយវិទ្យាសាស្ត្រនិងជំរុញតាមប្រភេទខុសៗគ្នា ៕
អ្នកបកប្រែ：Guo Xiangqing