ថ្ងៃទី ១០ ខែវិច្ឆិកា លោក ស៊ី ជីនភីង ប្រធានរដ្ឋចិនបានផ្ញើលិខិតដើម្បីអបអរសាទរការសម្ពោធបើកមហាសន្និបាតលើកទី១នៃវេទិការបច្ចេកវិទ្យានិងការឆ្នៃប្រឌិតថ្មីអន្តរជាតិ នៃវេទិការអាស៊ីBOAO។
លោក ស៊ី ជីនភីង បានគូសបញ្ជាក់ថា បច្ចេកទេសនិងវិទ្យាសាស្ត្រត្រូវផ្តល់ផលប្រយោជន៍ទូទៅដល់មនុស្សជាតិទាំងមូល។ បច្ចុប្បន្ន ពិភពលោកកំពុងប្រឈមនឹងបញ្ហាគ្រប់ប្រភេទដូចជាការរីករាលដាលនៃជំងឺកូវីដ19ជាដើម ។ ប្រទេសចិនមានឆន្ទៈរួមជាមួយប្រទេសនានា បង្កើនការច្នៃប្រឌិតថ្មីនិងកិច្ចសហប្រតិបត្តិការផ្នែកវិទ្យាសាស្ត្រ ជំរុញការផ្លាស់ប្តូរច្នៃប្រឌិតថ្មីអន្តរជាតិដែលកាន់តែបើកទូលាយ បរិយាបន្ន ចែករំលែកគ្នានិងផ្តល់ផលប្រយោជន៍គ្នា ដើម្បីចូលរួមផ្តល់វិភាគទានដល់ការស្តារសេដ្ឋកិច្ចពិភពលោកឡើងវិញ ក៏ដូចជាការធានាសុខាភិបាលរបស់ប្រជាជន។ មហាសន្និបាតបច្ចេកវិទ្យានិងការឆ្នៃប្រឌិតថ្មីអន្តរជាតិដែលបានសហរៀបចំឡើងដោយវេទិការអាស៊ីBOAO រួមជាមួយរដ្ឋបាលតំបន់រដ្ឋបាលពិសេសម៉ាកាវ នឹងក្លាយជាវេទិកាផ្លាស់ប្តូរនិងសហប្រតិបត្តិការដ៏សំខាន់សម្រាប់ទូទាំងពិភពលោក ។ សង្ឃឹមថាមហាសន្និបាតផ្តោតលើប្រធានបទស្តីពី “ការច្នៃប្រឌិតថ្មីជំរុញការអភិវឌ្ឍជានិរន្តរភាព” បង្កើនមតិឯកភាព ជំរុញកិច្ចសហប្រតិបត្តិការ ដើម្បីបម្រើឱ្យកាន់តែល្អដល់ប្រជាជនគ្រប់ប្រទេស៕
អ្នកបកប្រែ：Deng Qian