កិច្ចប្រជុំបូកសរុបការងារស្តីពីការធ្វើឱ្យមាននីតិរដ្ឋដោយគ្រប់ជ្រុងជ្រោយនៃមជ្ឈិមចិនបានបើកធ្វើនៅក្រុងប៉េកាំងពីថ្ងៃទី ១៦ ដល់ ១៧ ខែវិច្ឆិកា ។ ថ្លែងក្នុងកិច្ចប្រជុំ លោកស៊ីជីនភីង អគ្គលេខាធិការគណៈកម្មាធិការមជ្ឈិមបក្សកុម្មុយនិស្តចិនបានគូសបញ្ជាក់ថា ត្រូវប្រកាន់ខ្ជាប់មិនងាករេនូវការដើរតាមផ្លូវនីតិរដ្ឋនៃសង្គមនិយមដែលមានលក្ខណៈពិសេសចិន ជំរុញការកសាងប្រព័ន្ធអភិបាលកិច្ចជាតិនិងធ្វើទំនើបកម្មខាងសមត្ថភាពអភិបាលកិច្ច ។
លោកស៊ីជីនភីងបានបញ្ជាក់ថា ត្រូវប្រកាន់ខ្ជាប់នូវការដឹកនាំរបស់បក្សក្នុងការធ្វើឲ្យមាននីតិរដ្ឋគ្រប់ជ្រុងជ្រោយ ប្រកាន់ខ្ជាប់នូវអភិបាលកិច្ចជាតិនិងការកាន់អំណាចអាស្រ័យរដ្ឋធម្មនុញ្ញ និងធ្វើឱ្យមានសុក្រឹតភាពនូវប្រព័ន្ធច្បាប់ដែលត្រូវការជាបន្ទាន់ក្នុងនីតិរដ្ឋ ។ ត្រូវកំណត់បទប្បញ្ញត្តិនិងដែនសម្រាប់អំណាចរដ្ឋបាលតាមផ្លូវច្បាប់ ពន្លឿនការផ្លាស់ប្តូរមុខងារនៃរដ្ឋាភិបាល លើកកម្ពស់ការកសាងទំនុកចិត្តចំពោះប្រព័ន្ធយុត្តធម៌ និងធ្វើឱ្យមានសុក្រឹតភាពនូវប្រព័ន្ធច្បាប់ដើម្បីធានាយុត្តិធម៌និងសច្ចធម៌ក្នុងសង្គម ។
អ្នកបកប្រែ：Li Qingli