កាលពីថ្ងៃទី ១៩ ខែវិច្ឆិកា នៅក្រុងប៉េកាំង លោកស៊ី ជីនភីង ប្រធានរដ្ឋចិនបានអញ្ជើញចូលរួមកិច្ចប្រជុំសន្ទនារវាងថ្នាក់ដឹកនាំឧស្សាហកម្មនិងពាណិជ្ជកម្មនៃអង្គការសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកតាមប្រព័ន្ធវីដេអូ ព្រមនិងថ្លែងសុន្ទរកថាគន្លឹះក្រោមចំណងជើងថា “បង្កើតនិម្មាបនកម្មអភិវឌ្ឍន៍ថ្មី សម្រេចការផ្តល់ផលប្រយោជន៍ដល់គ្នានិងឈ្នះ-ឈ្នះ” ដោយបានគូសបញ្ជាក់ថា ពិភពលោកជាសហគមន៍រួមវាសនាតែមួយដែលមិនអាចបំបែកចេញពីគ្នាបាន ដូចនេះគួរធ្វើឱ្យស៊ីជម្រៅដោយគ្រប់ជ្រុងជ្រោយនូវកិច្ចសហប្រតិបត្តិការអន្តរជាតិក្នុងការប្រយុទ្ធប្រឆាំងនឹងជំងឺឆ្លង និងជំរុញការស្តារសេដ្ឋកិច្ចពិភពលោកស្តារឡើងវិញ ។ ប្រទេសចិនបានសកម្មបង្កើតនិម្មាបនកម្មអភិវឌ្ឍន៍ថ្មី ប្រកាន់ខ្ជាប់នូវការបើកចំហចំពោះបរទេស សម្រេចការផ្តល់ផលប្រយោជន៍ដល់គ្នានិងឈ្នះ-ឈ្នះជាមួយបណ្តាប្រទេសលើពិភពលោក សំដៅត្រួសត្រាយអនាគតកាន់តែល្អប្រសើរនៃតំបន់អាស៊ីប៉ាស៊ីហ្វិកនិងពិភពលោក ។ លោកបានលើកឡើងសំណើ ៣ ចំណុច ៖
ទី ១ យើងត្រូវក្តាប់ជាប់ចំណុចមូលដ្ឋានជាយុទ្ធសាស្រ្តសម្រាប់ពង្រីកតម្រូវការក្នុងស្រុក ដើម្បីធ្វើឱ្យសេដ្ឋកិច្ចជាតិចរាចរណ៍យ៉ាងរលូន ។
ទី ២ យើងត្រូវផ្តោតសំខាន់លើការជំរុញនវានុវត្តន៍ផ្នែកបច្ចេកវិទ្យា និងបង្កើតកម្លាំងចលករថ្មីសម្រាប់អភិវឌ្ឍសេដ្ឋកិច្ច ។
ទី ៣ យើងត្រូវធ្វើឱ្យស៊ីជម្រៅនូវកំណែទម្រង់ជាបន្តបន្ទាប់ ដើម្បីបំផុសយ៉ាងពេញលេញនូវកម្លាំងរស់រវើកនៃទីផ្សារ ៕
អ្នកបកប្រែ:Zhai Qianqian