កំណើនសេដ្ឋកិច្ចបង្កើនល្បឿន ការនាំចូលនិងនាំចេញពាណិជ្ជកម្មបរទេសរបស់ចិនពីខែមករាដល់ខែវិច្ឆិកាឆ្នាំនេះកើនឡើង ១.៨%បើប្រៀបធៀបជាមួយនិងរយៈពេលដូចគ្នានៅឆ្នាំមុន
នាយកដ្ឋានគយចិនបានប្រកាសទិន្នន័យស្ថិតិកាលពីថ្ងៃទី៧ខែធ្នូរថា ពីខែមករាដល់ខែវិច្ឆិកាឆ្នាំនេះទំហំទឹកប្រាក់សរុបនៃការនាំចូលនិងនាំចេញពាណិជ្ជកម្មទំនិញរបស់ប្រទេសចិនគឺត្រូវជា២៩.០៤ទី្រលានយាន់ប្រាក់ចិន បានកើនឡើង ១.៨%បើប្រៀបធៀបជាមួយនិងរយៈពេលដូចគ្នានៅឆ្នាំមុន បង្ហាញពីនិន្នាការទៅរកភាពល្អប្រសើរនិងបង្កើនល្បឿនកំណើន។
ពីខែមករាដល់ខែកញ្ញាឆ្នាំនេះ ល្បឿនកំណើននៃពាណិជ្ជកម្មបរទេសចិនបានសម្រេចកំណើនជាវិជ្ជមានលើកដំបូងក្នុងឆ្នាំនេះ បានកើនឡើង០.៧%បើប្រៀបធៀបជាមួយនិងរយៈពេលដូចគ្នានៅឆ្នាំមុន ពីខែមករាដល់ខែតុលា ល្បឿនកំណើននៃពាណិជ្ជកម្មបរទេសចិនបានកើនឡើងដល់១.១% ចូលខែវិច្ឆិកា កំណើនបន្តពង្រីក។
តាមទិន្នន័យស្ថិតិបង្ហាញបានឱ្យដឹងថា ខែវិច្ឆិកានេះ ការនាំចូលនិងនាំចេញពាណិជ្ជកម្មបរទេសចិនត្រូវជា៣.០៩ទី្រលានយាន់ប្រាក់ចិន បានកើនឡើង៧.៨% ក្នុងនោះ ការនាំចេញត្រូវជា១.៨ទ្រីលានយាន់ប្រាក់ចិន បានកើនឡើង១៤.៩% ការនាំចូលត្រូវជា១.២៩ទ្រីលានយាន់ប្រាក់ចិន ធ្លាក់ចុះ០.៨%។ ការនាំចេញរក្សាកំណើនប្រកបដោយល្បឿនលឿនបានផ្តល់កម្លាំងចលកលដល់ការបង្កើនល្បឿនជាទូទៅនៃពាណិជ្ជកម្មបរទេស៕
អ្នកបកប្រែ：Li Zhanjing